Dimitar Berbatov Miaka 31, amekiri hana njia nyingine bali kuondoka Manchester United kwa vile thamani yake imepungua lakini yeye hawezi kwenda Manchester City kwa vile ni mwaminifu na si msaliti.
Ingawa Sir Alex Ferguson alimhakikishia Berbatov kuwa bado anayo nafasi kucheza kwenye Timu yake, Straika huyo mwenye kipaji kikubwa toka Bulgaria alijikuta hapewi namba na yuko nyuma kwa kupewa nafasi kwa Mastraika wengine kina Wayne Rooney, Danny Welbeck na Javier Hernandez ‘Chicharito’.
Mwezi Machi Berbatov aliongezewa Mkataba kwa Mwaka mmoja zaidi lakini hilo lilikuwa wazi ni kuilinda Man United isimpoteze akihama bila kupata chochote kwa vile Mkataba wake ulikuwa unakwisha Mwezi Juni.
Dimitar Berbatov Ingawa hakutamka ataenda Klabu ipi, Berbatov ameweka bayana hawezi kuhamia upande mwingine wa Jiji la Manchester.
Amesema: ‘Siwezi kujiunga na Man City, mie ni mtu mwaminifu sana! Kabla nilikuwa na nafasi kuichagua City lakini nikaja United, mie si msaliti!’
No comments:
Post a Comment