KLABU YA MANCHESTER UNITED YAFUNGUA MAZUNGUMZO KUTAKA KUMNUNUA ALEXIS SANCHEZ WA BARCELONA

Staa wa Barcelona, Alexis Sanchez, yupo kwenye Mazungumzo kati ya Klabu yake na Manchester United kuhusu Uhamisho huku Kijana wa Chelsea, Romelu Lukaku, akisema anataka kuihama Klabu hiyo na Straika wa Newcastle, Loic Remy, akionyesha matakwa yake kwenda Arsenal na si Spurs.
Manchester United wako njiani kuzipiga vikumbo Liverpool naTottenham ili kumnasa Staa wa Barcelona Alexis Sanchez.
Mapema kulikuwa na Ripoti kuwa Juventus wametoa Ofa ya Pauni Milioni 16.5 ili kumnunua Sanchez, Straika kutoka Nchini Chile mwenye Miaka 25, lakini Barca haitaki kusikiliza Ofa yeyote chini ya Pauni Milioni 20.
Ujio wa Kocha mpya wa Barca, Luis Enrique, umemweka Sokoni Sanchez na Kocha mpya wa Man United, Louis Van Gaal, anataka kuimarisha Kikosi chake huku ikidokezwa Wachezaji kama Nani na Ashley Young wako njiani kuondoka.
Msimu huu uliokwisha Juzi, Sanchez aliifungia Barca Bao 21.