BAYERN WAIFUNGA HOLLAND BAO 3-2 KWENYE MECHI MAALUM YA KIRAFIKI JANA!!

Wakicheza Mechi yao ya kwanza ndani ya Masaa 72 tangu wabwagwe kwenye Fainali ya UEFA CHAMPIONZ LIGI na Chelsea Uwanjani Allian Arena, Bayern Munich jana waliifunga Holland bao 3-2 katika Mechi maalum ya kirafiki ambayo iliandaliwa ili kuifidia Bayern kwa Holland kumchezesha Arjen Robben kwenye Fainali za Kombe la Dunia Mwaka 2010 akiwa majeruhi na kumfanya adhurike zaidi na kuikosa Miezi kadhaa kwenye Mechi za Bayern.

Watazamaji 33,000 walishuhudia pambano hili ambalo kila Timu ilichezesha idadi kubwa ya Wachezaji wao wa Timu zao za pili.

Bayern iliwachezesha Kipa Joerg Butt, Beki Breno na Fowadi Ivica Olic wote wakiwa ni Mechi yao ya mwisho kwa Klabu hiyo.

Arjen Robben, ambae alikosa penati katika Dakika 30 za Nyongeza Bayern walipotolewa na Chelsea Jumamosi, jana aliingizwa Kipindi cha Pili na baadhi ya Washabiki wa Bayern walikuwa wakimzomea.