EDEN HAZARD KUONGEA NA KLABU ZA MANCHESTER WIKI IJAYO. JE NI TIMU GANI ITALIPATA HILI JEMBE LA LILLE?

Hatima ya Mchezaji Eden Hazard wa Klabu ya Ufaransa Lille itajulikana Wiki ijayo baada ya Klabu hiyo kumaliza Msimu wao wa Ligi 1 Jumapili watakapocheza na Nancy huku wakiwa hawana matumaini ya kumaliza wakiwa zaidi ya nafasi ya 3.

Lille imegoma kuongea chochote hadi baada ya Jumapili.

Mwenyewe Hazard amekiri kuwa Msimu ujao atakuwa anacheza Jijini Manchester bila ya kuweka bayana ni Timu ipi, Mabingwa Manchester City au Mahasimu wao Manchester United, ingawa kuna duru zinadai mvuto wa fedha utamfanya atue Etihad.

                                     

EDEN HAZARD:

Umri: Miaka 21

Klabu: Lille

Mataji: Ubingwa Ligi 1-2010/11: Coupe de France-2010/11

Magoli Msimu huu: 17 katika Mechi 37 za Ligi

Mechi Timu ya Taifa Belgium: 26