Baada ya Chelsea kuwakatili Tottenham kwa kutwaa Ubingwa wa Ulaya na hivyo kuwaondoa kucheza UEFA CHAMPIONZ LIGI Msimu ujao na sasa kutupwa EUROPA LIGI na wao kucheza huko kama Mabingwa watetezi, Tottenham huenda pia wakampoteza Kiungo wao mahiri kutoka Croatia Luka Modric.Tottenham walimaliza Ligi Kuu England nafasi ya 4 na ilibidi wao na Timu 3 za juu yao, Arsenal, Manchester United na Manchester City, zicheze UEFA CHAMPIONZ LIGI lakini baada ya Chelsea kutwaa Taji la michuano hiyo imebidi watolewe na Chelsea kuchukua nafasi yao ili kutetea Taji lao.
Msimu uliopita Modric alitaka kwenda Chelsea lakini Tottenham ikamgomea na safari hii Real Madrid wamejikita kumwania pamoja na Klabu za Chelsea, Manchester City na Manchester United.
Hata hivyo ikiwa ataamua kwenda Real Madrid basi huko kupata kwake namba itakuwa kazi kubwa kwani Mabingwa hao wa Spain wanao Viungo thabiti kina Ozil, Xabi Alonso na Khedira na huenda Modric yakamkuta yaliyompata Nuri Sahin ambae alisainiwa na Real mwanzoni mwa Msimu huu uliokwisha juzi lakini hadi leo hana namba kabisa.
Wadau wengi wamemshauri Modrc abaki England lakini kitendawili ni Timu ipi?
No comments:
Post a Comment