ANDRE VILLAS-BOAS-KUANZA KUINOA CLUB YA TOTTENHAM HOTSPUR'S

Baada ya kufungashiwa virago na klabu nyingine ya mjini London, Huyu kocha kijana amepata ulaji wenye mtihani mwingine mjini London, na hivyo kulazimika kuachia kitita cha paundi za Uingereza milioni kumi na moja ambacho angepewa kama angetii sharti la kutorudi England alilopewa na Chelsea.

Imefahamika kuwa Villas-Boas pamoja na kuachia kitita hicho, mkataba wake unasimama kwa Paundi milioni kumi na sita, na tayari amehakikishiwa matumizi ya paundi milioni sabini, kwa ajili ya usajili na kuimarisha kikosi.

Tottenham halmanusra icheze Champions league msimu uliopita,kama si kuvurugwa mipango kwa kocha aliyepita kwa kubebwa na tetesi za kupewa timu ya taifa ya England, kulikomfanya asicheze vema michezo ya kumaliza ligi na kujikuta akishika nafasi ya nne katika msimamo wa ligi juu ya Chelsea, ambao kutokana na Ubingwa wao,wakawanyang'anya Tottenham nafasi ya nne ya kushiriki Champions league msimu unakuja.

Andre Villas-Boas alipotua Tottenham

 AVB akitanua mitaa ya  London