BARCLAYS PREMIER LEAGUE: NEWCASTLE 0 MAN UNITED 3, SPURS 2 ASTON VILLA 0, SOUTHAMPTON 2 FULLHAM 2, LIVERPOOL 0 STOKE 0!

>>LIGI KUU kusimama hadi Oktoba 20 kupisha Mechi za Kimataifa!

Katika Mechi za Ligi Kuu England, BPL, zilizochezwa jana, Manchester United, wakicheza huko Sports Direct Arena, waliwatwanga wenyeji wao Newcastle bao 3-0 na kushika nafasi ya pili wakiwa Pointi 4 nyuma ya vinara Chelsea huku huko Anfield Liverpool walitoka 0-0 na Stoke City na ndani ya White Hart Lane, Tottenham wameendeleza wimbi la ushindi kwa kuichapa Aston Villa bao 2-0.

Matokeo:

Jumapili Oktoba 7

Southampton 2 Fulham 2

Tottenham Hotspur 2 Aston Villa 0

Liverpool 0 Stoke City 0

Newcastle United 0 Manchester United 3

Southampton 2 Fulham 2

Kona ya Adam Lallana iliunganishwa na Jose Fonte na kuandika Bao la kwanza kwa Southampton katika Dakika ya 4 ambalo lilidumu hadi Dakika ya 70 na Fulham kusawazisha kwa bao la kujifunga mwenyewe Jos Hooiveld baada ya shuti la John Arne Riise lililokuwa likitoka nje kuguswa na Mchezaji huyo wa Southampton na kujifunga.

Fulham walipiga bap la pili kupitia Kieran Richardson katika Dakika ya 90 lakini Southampton walisawazisha katika Dakika ya 90 kwa bao la pili la Jose Fonte.

VIKOSI:

Southampton: Gazzaniga, Richardson, Yoshida, Fonte, Fox, Puncheon, Schneiderlin, Steven Davis, Lallana, Rodriguez, Lambert

Akiba: Kelvin Davis, Hooiveld, Ward-Prowse, Do Prado, Mayuka, Chaplow, Reeves.

Fulham: Schwarzer, Riether, Hughes, Hangeland, Riise, Kacaniklic, Ruiz, Baird, Sidwell, Duff, Rodallega

Akiba: Stockdale, Kelly, Senderos, Kasami, Karagounis, Richardson, Briggs.

Refa: Mark Clattenburg

Tottenham Hotspur 2 Aston Villa 0

Bao za Kipindi cha Pili za Steven Caulker, Dakika ya 58, na Aaron Lennon, Dakika ya 67, zimewapa ushindi wa bao 2-0 Tottenham walipocheza kwao White Hart Lane na Aston Villa. 

VIKOSI:

Tottenham: Lloris, Walker, Gallas, Caulker, Vertonghen, Lennon, Dembele, Sandro, Bale, Defoe, Dempsey

Akiba: Friedel, Huddlestone, Adebayor, Dawson, Sigurdsson, Falque, Townsend.

Aston Villa: Guzan, Bennett, Vlaar, Clark, Lowton, Holman, El Ahmadi, Delph, Albrighton, Benteke, Agbonlahor

Akiba: Given, Bent, N'Zogbia, Westwood, Bannan, Weimann, Lichaj.

Refa: Neil Swarbrick
________________________________ 

Liverpool 0 Stoke City 0
SUAREZ AFUNGIWE kwa kujidondosha makusudi!

>>MENEJA STOKE CITY, Pulis, aitaka FA imuadhibu Suarez!!

>>MENEJA mwingine ataka RVP aadhibiwe!!

Bosi wa Stoke City Tony Pulis amekitaka Chama cha Soka England, FA, kimuadhibu Straika wa Liverpool Luis Suarez kwa tabia yake ya kutaka kuwahadaa Marefa kwa kujidondosha makusudi ndani ya boksi ili apate Penati.

Jana, Stoke City ilikuwa Anfield kucheza na Liverpool kwenye Mechi ya Ligi Kuu England ambayo ilimalizika 0-0 na katika Kpindi cha Pili Luis Suarez ‘alijidondosha’ kutaka Penati ambayo Tony Pulis anaamini ulikuwa ni udanganyifu.

Pulis amesema: “Siku nyingi nimepigia kelele hili na Kipindi cha Pili tukio moja lilikuwa aibu kubwa! FA walitazame hili. Wampe Kifungo Mechi 3 na ataacha kujirusha!”

Alipohojiwa, Meneja wa Liverpool, Brendan Rodgers, alijibu: “Sikuona tukio hilo hivyo siwezi kusema chochote lakini chochote anachofanya Luis litakuwa tatizo tu!”

Hata hivyo, kuhusu tukio la Suarez kujidondosha kwa makusudi, FA haiwezi kuchukua hatua yeyote ile kwani Sheria zinawaruhusu kutoa adhabu pale tu matukio yalistahili Kadi Nyekundu na Refa hakuona na si matukio ambayo yangestahili Kadi ya Njano.

Robin van Persie 

Wakati huo huo, Meneja wa Newcastle United  Alan Pardew ameitaka FA imwadhibu Straika wa Manchester United Robin van Persie kwa kile alichodai kumpiga ‘kipepsi’ Kiungo wa Newcastle, Yohan Cabaye, katika Mechi ya jana ya Ligi Kuu England huko Sports Direct Arena ambayo Manchester United iliitandika Newcastle bao 3-0.

Ingawa mwenyewe amekiri hakuliona tukio ambalo lilitokea wakati si Van Persie wala Cabaye kuwa na mpira huku wote wakikimbilia golini, Pardew amedai: “Van Persie alimtazama Cabaye na kumpiga kiwiko, nikiwa mkweli, FA walitazame tukio hilo.”

FA inaweza kulipitia tukio hilo na kutoa adhabu ikiwa tu Refa wa Mechi hiyo, Howard Webb, atakiri hakuliona tukio hilo na kama angeliliona angetoa Kadi Nyekundu.

Ule mwendo wa kusuasua wa Liverpool kwenye Ligi Kuu umeendelea tena leo baada ya kushindwa kupata ushindi wakiwa Uwanja wa nyumbani Anfield walipotoka 0-0 na Stoke City iliyosimama imara kabisa.

VIKOSI:

Liverpool: Reina, Wisdom, Skrtel, Agger, Johnson, Gerrard, Allen, Sahin, Fernandez Saez, Suarez, Sterling

Akiba: Jones, Henderson, Cole, Assaidi, Coates, Carragher, Borini.

Stoke: Begovic, Cameron, Huth, Shawcross, Wilson, Walters, Nzonzi, Whelan, Adam, Kightly, Crouch

Akiba: Sorensen, Jones, Edu, Whitehead, Upson, Etherington, Jerome.

Refa: Lee Mason

Newcastle United 3 Manchester United 0

 Bao za Johnny Evans, Dakika ya 8, Patrice Evra, Dakika ya 16 na Tom Cleverly, Dakika ya 71, yamewapa ushindi Manchester United wa bao 3-0 dhidi ya Newcastle.

Bao la Cleverly, bila shaka, litaingia katika ile Listi ya Mabao Bora ya Msimu.

VIKOSI:

Newcastle United: Harper; Santon, Williamson, Perch, Ferguson; Ben Arfa, Tioté, Cabaye, Gutiérrez; Ba, Cissé

Akiba: Alnwick, Simpson, Anita, Bigirimana, Obertan, Sammy Ameobi, Shola Ameobi

Manchester United: De Gea; Rafael, Ferdinand, Evans, Evra; Carrick, Cleverley; Kagawa, Rooney, van Persie, Welbeck

Akiba: Lindegaard, Scholes, Valencia, Anderson, Giggs, Hernandez, Wootton.

Refa: Howard Webb

RATIBA MECHI ZIJAZO:

Jumamosi Oktoba 20

[Saa 8 Dak 45 Mchana]

Tottenham v Chelsea

[Saa 11 Jioni]

Fulham v Aston Villa

Liverpool v Reading

Man United v Stoke City

Swansea v Wigan

West Brom v Man City

West Ham v Southampton

[Saa 1 na Nusu Usiku]

Norwich v Arsenal

Jumapili Oktoba 21

[Saa 9 na Nusu Mchana]

Sunderland v Newcastle

[Saa 12 Jioni]

QPR v Everton