ARSENE WENGER AKWEPA KUZUNGUMZIA UBINGWA, ADAI BADO NI MAPEMA MNO!! AJIANDAA NA UEFA CHAMPIONS LEAGUE JUMANNE YA LEO HII NA NAPOLI !

Arsene Wenger amesisitiza kuwa ni upuuzi kuzungumzia hivi sasa kuhusu Arsenal kutwaa Ubingwa licha ya kuwa wao ndio wanaongoza baada ya kushinda Mechi 5 kati ya 6 za Ligi Kuu England walizocheza.

Arsenal wako kileleni Pointi 2 mbele baada ya Jumamosi kushinda 2-1 Ugenini walipoichapa Swansea City na huo ni ushindi wao wa tano mfululizo toka kichapo cha Mechi ya kwanza kabisa walipofungwa 3-1 na Aston Villa.
Akiongea kabla Mechi yao ya Jumanne ya KUNDI F la UEFA CHAMPIONS LEAGUE, UCL, watakayochezea kwao Emirates na Napoli, Wenger alisema: “Tunataka uwiano mzuri kuhusu nia na unyenyekevu. Kuzungumzia Ubingwa leo hii ni upuuzi! ”

Wenger alisema walipofungwa na Villa kwenye Mechi ya kwanza yeye hakuwa na wasiwasi na kufafanua: “Watu wanasahau tulikuwa kwenye mbio ndefu za kutofungwa tangu Machi na ukichukulia hiyo kufungwa na Villa ni Mechi moja tu kati ya 21.Na Watu kuanza kupiga kelele wakati huo ni mchanganyiko wa vitu vingi, hatukununua Mchezaji, hatujachukua Ubingwa muda mrefu na ukweli kuwa tumefungwa Mechi. Vitu vyote hivyo vilileta mlipuko wa hasira lakini kufungwa ni bahati mbaya na tumejirekebisha!”

Moja ya sababu ya Arsenal kufanya vizuri ni fomu nzuri ya Kiungo wao Aaron Ramsey ambae ameshafunga jumla ya Bao 9 na 5 ni katika Gemu 4 za mwisho na pia Straika Olivier Giroud ambae mpaka sasa ameshafunga Bao 5.Mesut Oezil akiteta na Serge Gnabry pamoja na Per Mertesacker kulia kwenye mazoezi yao leoArsene Wenger akiteta na wachezaji wake leo kwenye mazoezi akiwapa mbinu ya ushindiMeneja Arsene Wenger akiteta na vijana wa kazi wa GunnersJack Wilshere nae alikuwepo kwenye mazoezi leo hii Aaron Ramsey na Thomas Vermaelen wakipasha leo kujiandaa na Uefa Champions LeagueMeneja Arsene Wenger wa Arsenal akizungumza na mchezaji  Robert Pires leo kwenye mazoezi wakijiandaa kucheza na Napoli jumanne ya leo usiku.