KIPA WA UNITED DAVID De GEA KUJIFUNGA NA MANCHESTER UNITED

Kipa wa Manchester United David de Gea anatarajia kusaini mkataba mpya na Klabu yake ya Manchester United utakao muweka Klabuni hapo mpaka 2018.

David de Gea ambaye mkataba wake unatajia kuisha mwaka 2016 na Klabu hiyo sasa ataongeza mkataba huo na kumwezesha kuichezea United hadi 2018. David de Gea ambaye alikuwa anahusishwa na kutakiwa na Klabu ya Bacelona hivi karibuni sasa anatarajia kujifunga na klabu hiyo ya machetani Wekundu ambao wameanza vibaya msimu huu wa 2013/14 wakishika nafasi ya 9 wakiwa na pointi 10 baada ya kuifunga timu ya Sunderland wiki iliyopita.
Ajenti wake Jorge Mendes anatarajia kuongea na Manchester United kuhusu kusaini kwa mkataba huo wa De Gea wa kuongezewa kitita cha mshahara wake kwa ongezeko la £15,000 na kufikisha £75,000.