WACHEZAJI NYOTA wa Mabingwa wa Ulaya Portugal, Cristiano Ronaldo na Pepe, Leo hii wamerejea kwenye Mazoezi ya Klabu yao Real Madrid baada ya kumaliza Likizo yao iliyorefushwa kutokana na ushiriki wao EURO 2016. Ronaldo na Pepe walicheza Fainali ya EURO 2016 na kuisaidia Portugal kuwabwaga Wenyeji wa Mashindano France na kubeba Ubingwa wa Ulaya hapo Julai 10 Mjini Paris.
Leo walipotua Kambi ya Mazoezi ya Real walikutana na Kocha Zinedine Zidane aliewakaribisha tena Kikosini.
Ingawa Ronaldo amerejea Mazoezini lakini anategemewa asicheze Mechi ya kwanza ya La Liga dhidi ya Real Sociedad hapo Agosti 21 baada ya kuumia Goti kwenye Fainali ya EURO 2016.
Jana Jumanne Usiku, Real Madrid, bila ya Mastaa hao, ilitwaa UEFA SUPER CUP walipoifunga Sevilla 3-2 huko Norway. 
Huko Spain, Msimu Mpya utafunguliwa na Barcelona na Sevilla kwa kucheza Mechi ya kugombea Super Cup hapo Agosti 14 huko Sevilla na kurudiana Siku 3 baadae huko Nou Camp. LA LIGA yenyewe itaanza Wikiendi ya Agosti 19.
No comments:
Post a Comment