BUNDESLIGA: MECHI KALI DORTMUND VS BAYERN MUNICH LEO SAA 3 USIKU

 

Kwa Miaka miwili sasa Bayern Munich hawajawahi kuwafunga Mabingwa watetezi wa Ujerumani Borussia Dortmund na leo Jumatano Saa 3 Usiku Bongo Taimu watatua Signal Iduna Park kuwavaa Mabingwa hao nyumbani kwao katika Mechi ambayo, bila shaka, itaamua Bingwa wa Bundesliga ni nani Msimu huu.

Huku Mechi zikiwa zimebaki 5 Msimu kwisha, Bayern Munich wako Pointi 3 nyuma ya vinara wa Ligi Borussia Dortmund na ushindi kwao utawafanya waifikie Pointi Borussia Dortmund lakini watakuwa kileleni kwa ubora wa tofauti ya Magoli wao wakiwa na 50 na Dortmund wana 44.

Akizungumzia Mechi hii, Mwenyekiti wa Bayern Munich, Karl-Heinz Rummenigge, amesema: ‘Ni lazima tushinde maana hii itaamua Ubingwa. Sare si mbaya lakini tukishinda tutashika usukani na hatima yetu itabaki kwetu!’

Kila Timu imepata afueni kidogo baada ya Mastaa wao, Bastian Schweinsteiger wa Bayern na Mario Gotze wa Dortmund, kuripotiwa kuwa fiti na kuna kila uwezekano wakachezeshwa.

Mara ya mwisho Timu hizi kupambana ilikuwa ni Mwezi Novemba nyumbani kwa Bayern Uwanjani Allianz Arena na Bayern kunyukwa bao 1-0 kwa bao la Mario Goetze.

Msimu uliopita Bayern Munich walipigwa nje ndani  na mara ya mwisho Bayern kuifunga Dortmund ilikuwa Februari 2010 huko Allianz Arena waliposhinda 3-1.


TABLE ILIVYO KWA SASA

Rank		Club	Matches	W*	D*	L*	G*	GD*	PTS*
1		Borussia Dortmund	29	20	6	3	66:22	+44	66	CL*
2		FC Bayern Munich	29	20	3	6	69:19	+50	63	CL*
3		FC Schalke 04	29	18	3	8	64:35	+29	57	CL*
4		Borussia Mönchengladbach	29	15	7	7	41:20	+21	52	CL* Qual.
5		VfB Stuttgart	29	12	7	10	52:39	+13	43	EL*
6		Bayer 04 Leverkusen	29	11	8	10	40:39	+1	41	EL* Qual.
7		SV Werder Bremen	29	11	8	10	42:44	-2	41	EL* Qual
8		Hannover 96	29	10	11	8	37:42	-5	41
9		VfL Wolfsburg	29	12	4	13	41:52	-11	40
10		1899 Hoffenheim	29	9	10	10	34:40	-6	37
11		1. FSV Mainz 05	29	8	9	12	43:48	-5	33
12		1. FC Nuremberg	29	9	5	15	27:41	-14	32
13		SC Freiburg	29	8	8	13	39:55	-16	32
14		Hamburger SV	29	7	10	12	33:51	-18	31
15		FC Augsburg	29	6	12	11	31:44	-13	30
16		1. FC Köln	29	8	5	16	36:59	-23	29	Play-offs
17		Hertha BSC Berlin	29	6	9	14	30:52	-22	27	Relegation
18		1. FC Kaiserslautern	29	3	11	15	18:41	-23	20	Relegation