READING YAPANDA LIGI KUU ENGLAND!

• SOUTHAMPTON, WEST HAM KUUNGANA NAO???

Mikele Leigertwood ndie shujaa wa Reading baada ya kufunga bao pekee hapo jana katika Dakika ya 81 na kuwapandisha Daraja kutinga Ligi Kuu England walipowafunga Nottingham Forest bao 1-0.

Reading, wanaorudi Ligi Kuu baada ya Miaka minne, waliuanza Msimu huu vibaya na Mwezi Novemba walikuwa nafasi ya 16 lakini kuanzia hapo ushindi wa Mechi 15 kati ya 17 umewafanya wakae kileleni.

Reading, wakiwa wamebakiza Mechi mbili, wanafukuzana na Southampton ili kutwaa Ubingwa wa Daraja la Championship.

Nao Southampton, licha ya kuwania kutwaa Ubingwa, wao wanapigana na West Ham kutwaa nafasi ya pili ya kupanda moja kwa moja kuingia Ligi Kuu.

MSIMAMO WA TIMU ZA JUU

[Kila Timu imecheza Mechi 44 na kubakiza 2]

1 Reading Pointi 88

2 Southampton 85

==============

3 West Ham 80

4 Birmingham 72

5 Blackpool 71

6 Cardif 71

==============

7 Middlesbrough 67

8 Hull City 65

9 Brighton 64

10 Leicester 63

==============

Timu mbili za juu toka Championship huingia moja kwa moja Ligi Kuu na kuziacha Timu zilizoshika nafasi ya 3, 4, 5 na 6 kupangiwa Mechi maalum kuamua Timu ipi moja itaungana na hizo Timu mbili za juu kucheza Ligi Kuu Msimu unaofuata.

Mfumo wa kupata Timu hiyo ya 3 inayopanda Daraja ni kufanya Droo maalum ya kupanga Mechi mbili za mtoano, zinazochezwa kwa mtindo wa nyumbani na ugenini, na Timu mbili zinazofuzu hukutana Fainali Wembley ili kupata Timu moja inayopanda Daraja.