Katika Miaka 9, hii ni mara ya 6 kwa Chelsea kucheza Nusu Fainali ya UEFA CHAMPIONZ LIGI na wakiwa nafasi ya 6 kwenye Ligi Kuu England wana nafasi finyu kucheza Mashindano haya Msimu ujao kwani huenda wakakosa kufuzu kwenye 4 bora na njia pekee kucheza michuano hii Msimu ujao ni kutwaa UEFA CHAMPIONZ LIGI.
Alipoulizwa ikiwa watawamudu Barca ambao hawajafungwa katika Mechi 15 za Ulaya Uwanjani kwao Nou Camp, Meneja wa muda wa Chelsea, Roberto Di Matteo, alijibu: ‘Tuna uwezo kwenye Timu. Ukicheza ugenini unahitaji bahati lakini uwezo upo na Timu tunayo! Inabidi tufunge bao na kuzuia nafasi zote kwa Barca!’
Nae Pep Guardiola, Meneja wa Barca, ambae alisakamwa kumchezesha Chipukizi Cristian Tello walipofungwa 2-1 na Real Madrid juzi Jumamosi, amesema: ‘Unaweza kuwashambulia Maveterani si Chipukizi. Chunguza si kuponda tu.’
Pia Meneja huyo wa Barca, ambayo haijapoteza Mechi 3 mfululizo kwa Miaka 9 sasa, ameonya juu ya tishio la Chelsea ambao Uwanjani Nou Camp watavaa Jezi nyeupe.
Guardiola ametamka: ‘Wana nguvu na wana silaha za kuweza kutuumiza, ni changamoto kubwa. Lakini sina wasiwasi tutafika Munich.’
No comments:
Post a Comment