LIGI KUU ENGLAND: WIGAN WAENDELEZA KICHAPO WAIFUNGA BLACKBURN WAISHUSHA DARAJA, TIMU MOJA KUSHUKA DARAJA MEI 13

kuku awatemesha ushindi Blackburn

 Antolin Alcaraz (wa pili kushoto) akishangilia Wigan kupanda daraja (Premier League survival)

Bao la Dakika ya 87 la Antolin Alcaraz kwenye Mechi ya Ligi kuu England iliyochezwa jana Ewood Park limewapa Wigan ushindi wa bao 1-0 dhidi ya Blackburn Rovers na kuhakikisha usalama wao kubaki Ligi Kuu England na pia kuwaporomosha Daraja Blackburn Rovers ambao wanaungana na Wolves kucheza Ligi ya Npower Championship Msimu ujao.

Hadi sasa bado kujulikana Timu ya 3 itakayoungana na Blackburn na Wolves kushuka Daraja lakini itakuwa ni kati ya Bolton, QPR au hata Aston Villa ingawa hawa wanalindwa na ubora wa tofauti ya magoli.

 

Kwa muda mrefu Mashabiki wa Blackburn wameonekana  wakilalamika kumpinga Meneja Steve Kean pamoja na Wamiliki wa Klabu hiyo, Kampuni ya kuuza Kuku ya Kihindi Venky’s, na jana mmoja wa Mashabiki hao alimtoa Kuku alievalishwa Jezi ya Blackburn na Kuku huyo akatinga Uwanjani kwenye Dakika ya 8 na kusababisha pambano lisimame hadi pale Kipa wa Wigan, Al Habsi, alipomnyakua Kuku huyo na kuwapa Walinzi.

 
Kabla ya Mechi za mwisho za Ligi Kuu England kwa Msimu huu kuchezwa Jumapili ijayo Mei 13, Jana  timu ya Wigan ilifanikiwa Usiku kuifunga Blackburn goli 1-0 kwa kile  kiporo cha  Mechi yao, Blackburn Rovers walikuwa kwao kupigana na Wigan Athletic kwenye Mechi ambayo ilikuwa ngumu sana na  muhimu kwa vile kila Timu ilikuwa inawinda ushindi ili kujinusuru balaa la kushushwa Daraja. mfungaji wa bao hilo akiwa ni Antolin Alcaraz goli la kichwa la dk ya 87.

Steve Kean baada ya timu yake kufungwa alionekana kuchoka na huku kelele za mashabiki zikizidi

Katika mchezo huo mashabiki wa Timu ya Blackburn walinyoosha mabango juu yakimtaka kiongozi wa timu hiyo kujiuzuru na mengine yakiandiwa (Steve Kean nje!)
Kituko, mechi ikiendelea alionekana kuku wa Blackburn uwanjani na mechi kusimamishwa kwa muda mpaka alipokamatwa na kipa Ali Al Habsi kwa kushirikiana na Yakubu, kuku huyo kuchukuliwa na polisi nje wa uwanja.

VIKOSI

Blackburn: Robinson, Orr, Dann, Givet, Martin Olsson, Hoilett, Dunn, Lowe, Pedersen, Modeste, Yakubu

Akiba: Kean, Formica, Petrovic, Nzonzi, Rochina, Marcus Olsson, Goodwillie.

Wigan: Al Habsi, Alcaraz, Caldwell, Figueroa, Boyce, McArthur, McCarthy, Beausejour, Moses, Di Santo, Maloney

Akiba: Pollitt, Crusat, Ben Watson, Gomez, Sammon, Rodallega, Diame.

Refa: Mark Clattenburg

                     Yakubu na Ali Al Habsi wakiwa kwenye kamata kamata ya kuku uwanjani

                              Al Habsi akafanikiwa kumkamata kuku huyo kwenye neti za goli

 

Adui wa Rovers iliyohitaji ushindi tu kwenye mechi ya jana ili kubaki Ligi Kuu alikuwa ni Antolin Alcaraz aliyefunga bao hilo pekee dakika ya 87 Uwanja wa Ewood Park.

Barclays Premier League

Pos	Team	P	W	D	L	GF	GA	GD	Pts
1	Man City	37	27	5	5	90	27	63	86
2	Man Utd	37	27	5	5	88	33	55	86
3	Arsenal	37	20	7	10	71	47	24	67
4	Tottenham	37	19	9	9	64	41	23	66
5	Newcastle	37	19	8	10	55	48	7	65
6	Chelsea	36	17	10	9	62	41	21	61
7	Everton	37	14	11	12	47	39	8	53
8	Fulham	37	14	10	13	48	49	-1	52
9	Liverpool	36	13	10	13	43	38	5	49
10	West Brom	37	13	8	16	43	49	-6	47
11	Sunderland	37	11	12	14	45	45	0	45
12	Swansea	37	11	11	15	43	51	-8	44
13	Norwich	37	11	11	15	50	66	-16	44
14	Stoke	37	11	11	15	34	51	-17	44
15	Wigan	37	10	10	17	39	60	-21	40
16	Aston Villa	37	7	17	13	37	51	-14	38
17	QPR	37	10	7	20	41	63	-22	37
18	Bolton	37	10	5	22	44	75	-31	35
19	Blackburn	37	8	7	22	47	76	-29	31
20	Wolverhampton	37	5	10	22	38	79	-41	25