Kwa mara nyingine tena uhasama wa Kisoka wa Nchi za Argentina na Brazil utaendelezwa tena leo Jumatano Juni 27 kwa pambano la kwanza la Fainali ya kutafuta Klabu Bingwa Marekani ya Kusini, Copa Libertadores, kati ya Boca Juniors ya Argentina, waliowahi kuwa Mabingwa mara 6, na Corinthians ya Brazil ambao hii ni Fainali yao ya kwanza, mchezo ambao utachezwa Estadio Alberto J. Armando, maarufu kama La Bombonera, Mjini Buenos Aires, Argentina.
Marudiano yatakuwa hapo Julai 4 huko Estadio Municipal Paulo Machado de Carvalho, maarufu kama Pacaembu, Mjini Sao Paulo, Brazil.
Timu itakayonyakua Copa Libertadores itaiwakilisha Marekani ya Kusini kwenye Mashindano ya FIFA ya Klabu Bingwa Duniani yatakayochezwa Mwezi Desemba huko Japan.
Boca Juniors, chini ya Kocha Julio Cesar Falcioni, wana Wachezaji mahiri kama vile Rolando Schiavi, Pablo Ledesma, Clemente Rodriguez na Mkongwe Juan Roman Riquelme ambaye sasa ana Miaka 34.
Marudiano yatakuwa hapo Julai 4 huko Estadio Municipal Paulo Machado de Carvalho, maarufu kama Pacaembu, Mjini Sao Paulo, Brazil.
Corinthians wako chini ya Kocha Tite na tegemezi lao kubwa ni kucheza kitimu, Difensi ngumu na Straika safi Emerson huku wakiwa na Kipa imara Cassio Ramos.
Kwenye Fainali hii, ambayo inachezwa kwa mtindo wa Nyumbani na ugenini, ile Sheria ya Bao la ugenini haitumiki na hivyo Timu zikiwa sare katika Mechi ya marudiano Gemu itaongezwa Dakika 30 na kama bado sare basi itapigwa Mikwaju ya Penati tano tano ili kupata Mshindi.
NUSU FAINALI-MATOKEO
Juni 14
Santos [Brazil] 0 Corinthians [Brazil] 1
Boca Juniors [Argentina] 2 CF Universidad de Chile [Chile]
Juni 21
Corinthians 1 Santos 1 [Corinthians wamefuzu kwa Bao 2-1]
Juni 22
CF Universidad de Chile 0 Boca Juniors 0 [Boca Juniors wamefuzu kwa Bao 2-0]
No comments:
Post a Comment