EURO 2012: ITALIA YAFUZU KUINGIA NUSU FAINALI

Timu zote mbili zilishindwa kuzitumia nafasi zilizojitokeza katika muda wa dakika 120 kufungana mabao

Timu ya England ya soka imeondolewa katika mashindano ya Euro 2012, baada ya kufungwa na Italia usiku wa Jumapili katika robo fainali, kwa kufungwa magoli 4-2 ya penalti mjini Kiev, Ukraine, kufuatia muda wa kawaida na dakika 30 zaidi kumalizika kwa timu hizo mbili kutofungana.

Italia sasa itapambana na Ujerumani katika mechi ya nusu fainali.
Alessandro Diamanti alifunga bao la kuamua mshindi katika mikwaju hiyo ya penalti, baada ya Ashley Young na Ashley Cole kukosa kufunga mabao kupitia mikwaju waliyopiga.
Vijana wa meneja Roy Hodgson ilikuwa wazi walilemewa katika mchezo mzima, lakini ni hali ya imani na uvumilivu iliwafanya kuwa na matazamio ya kuishinda Italia.
Italia iliweza kugonga mwamba, na bao la Antonio Nocerino lilikataliwa baada ya mwamuzi kusema aliotea mpira.
Kadri mechi ilivyoendelea, ndivyo wachezaji wa England nao walionekana wachovu, na ikielekea walitazamia bahati zaidi kuliko kujitahidi kuimarisha kiwango cha mchezo wao, na penalti kwao bila shaka ikawa sio za kutegemewa tena.Kikosi cha EnglandKikosi cha timu ya Itali
Baada ya mechi, nahodha Steven Gerrard alisema: "Wachezaji
walicheza kadri ya uwezo wao wote. Nilidhani tungelipata bahati katika mikwaju ya penalti, lakini mambo hayakuwa hivyo.

Ukiongoza katika penalti, unashikilia matumaini kwamba mambo yatasalia hivyo, lakini Italia ndio waliokuwa na bahati. Vijana waliokuwa walinzi walifanya kazi nzuri mno, na kuiletea nchi fahari, lakini tunarudi nyumbani na mioyo ya huzuni, na hili ni jambo gumu kulikubali."

 Roman Abramovich alikuwepo akifuatilia mtanange huo wa jana usiku

mwenyekiti wa  FA  David Bernstein akiwa karibu na Rais wa  UEFA  Michel Platini kwenye Mtanange 

MIKWAJU: WALIOFUNGA NA KUKOSA

ITALY	ENGLAND
Balotelli - SCORED  Montolivo - MISSED Pirlo - SCORED  Nocerino - SCORED  DIAMANTI - SCORED	Gerrard - SCORED Rooney - SCORED Young - MISSED Cole - MISSED

VIKOSI

England: Hart, Johnson, Terry, Lescott, Cole, Milner, Gerrard, Parker, Young, Rooney, Welbeck

Akiba: Green, Kelly, Walcott, Henderson, Carroll, Baines, Jones, Jagielka, Downing, Oxlade-Chamberlain, Defoe, Butland.

Italy: Buffon, Abate, Barzagli, Bonucci, Balzaretti, Pirlo, Marchisio, De Rossi, Montolivo, Balotelli, Cassano

Akiba: Sirigu, Maggio, Chiellini, Ogbonna, Thiago Motta, Di Natale, Giaccherini, Borini, Giovinco, Diamanti, Nocerino, De Sanctis.

Refa: Pedro Proenca (Portugal)

RATIBA/MATOKEO

ROBO FAINALI

[Mechi zote Saa 3 Dak 45 Usiku]

Alhamisi Juni 21

RF1: Warsaw, Poland: Czech Republic 0 Portugal 1

Ijumaa Juni 22

RF2: Gdansk, Poland: Germany 4 Greece 2

Jumamosi Juni 23

RF3: Donetsk, Ukraine: Spain 2 France 0

Jumapili Juni 24

RF4: Kiev, Ukraine: England 0 Italy 0 [Penati 2-4]

NUSU FAINALI

[Mechi zote Saa 3 Dak 45 Usiku]

Jumatano Juni 27

NF1: Donetsk, Ukraine: Portugal v Spain

Alhamisi Juni 28

NF2: Warsaw, Poland: Germany v Italy

FAINALI

Jumapili Julai 1

[Saa 3 Dak 45 Usiku]

Kiev, Ukraine: Portugal/Spain v German/Italy