EURO 2012: MABINGWA WATETEZI SPAIN WATINGA FAINALI KWA MIKWAJU, WAFUNGA PENATI 4-2

  

Fabregas akishangilia ushindi mara baada ya kufunga penati ya mwisho ya ushindi

Mabingwa Watetezi wa Ulaya, Spain, bado wanaelekea kwenye mafanikio ya kuwa Nchi ya kwanza Barani Ulaya kuweza kutetea Ubingwa wao katika historia baada ya kuwatupa nje jirani na mahasimu wao Portugal kwa Penati 4-2 kufuatia sare ya 0-0 katika Dakika 120 za mchezo.
Kwenye tombola ya Mikwaju ya Penati tano tano, Spain ndio walianza kwa Penati ya Alonso lakini Kipa Patricios aliokoa.
Wakaja Portugal na Penati ya Moutinho ikaokolewa na Kipa Casillas.
Baada ya hapo Iniesta akaifungia Spain, Pepe akafunga ile ya Portugal na kufanya Mabao yawe 1-1.
Pique akawapeleka Spain 2-1, Nani akasawazisha, Ramos akaipigia Spain wawe 3-2 na ndipo Portugal walipokosa kwa Alves kupiga posti.
Akaja Fabregas kupiga Penati na kuwafanya Spain washinde kwa bao 4-2.
Ronaldo hakupiga Penati pengine alikuwa akingojewa apige Penati ya 5 ambayo Portugal hawakupata nafasi hiyo.
Spain watacheza Fainali na Mshindi kati ya Germany na Italy.
VIKOSI
Spain: Casillas, Arbeloa, Ramos, Pique, Alba, Busquets, Alonso, Xavi, Iniesta, Silva, Negredo
Portugal: Patrício; Pereira, Alves, Pepe, Coentrão; Veloso, Moutinho, Meireles; Nani, Ronaldo, Almeida
Refa: Cuneyt Cakir wa Turkey

NUSU FAINALI
[Saa 3 Dak 45 Usiku]
Alhamisi Juni 28
NF2: Warsaw, Poland: Germany v Italy
FAINALI
Jumapili Julai 1
[Saa 3 Dak 45 Usiku]
Kiev, Ukraine: Spain v German/Italy