Tottenham Hotspur wanategemewa kumtangaza André Villas-Boas kuwa Meneja wao mpya kuchukua nafasi ya Harry Redknapp ambae alitimuliwa baada ya kutoafikiana kuhusu Mkataba mpya. Villas-Boas, Miaka 34, alifukuzwa na Chelsea Mwezi Machi baada ya kukaa hapo Miezi 9 tu, anategemewa kusaini Mkataba wa Miaka mitatu na upo uwezekano mkubwa yeye kutangazwa Meneja mpya hapo Jumanne.
Wiki iliyopita Makocha Kevin Bond na Joe Jordan walioletwa Spurs na Harry Redknapp walibwaga manyanga na hivyo kufungua njia kwa Villas-Boas kuwaleta Watu wake, José Mario Rocha na Daniel Sousato, ambao alikuwa nao tangu FC Porto na kuhamia nao Chelsea.
Na hata kabla AVB hajatua White Hart Lane Klabu hiyo tayari imechangamka kupata Wachezaji wapya kwa ajili ya Msimu mpya na wapo njiani kumnasa Gylfi Sigurdsson, Mchezaji wa Iceland, ambae Msimu uliopita alichezea Swansea City kwa mkopo akitokea Hoffenheim ya Germany.
Pia, inategemewa Kiungo wa Internacional Oscar dos Santos Emboaba Junior, Miaka 20, na Beki wa Belgium, Jan Vertonghen, anaecheza Ajax wapo njiani kujisajili.
No comments:
Post a Comment