BENDI YA TWANGA PEPETA,HADIJA KOPA NA FLEVA NIGHT KUSHAMBULIA MZALENDO PUB

Kundi zima la The African Stars Band Twanga Pepeta usiku wa ijumaa ya tarehe 26/10/2012 ndani ya Mzalendo Pub Millennium Towers Kijitonyama watashambulia katika jukwaa moja na malkia wa mipasho Afrika Mashariki Bi Hadija Omar Kopa sambamba na mayenu ya nguvu yatakayoporomoshwa na madj bora nchini,Dj Mackay na Dj Too Short.
Kampuni ya Mac D Promotions ambao ndiyo waandaaji wa onyesho hilo la kwanza nala kipekee jijini Dar es salaam wamesema maandalizi yote yamekalimika na kinachosubiriwa ni siku yenyewe ifike.
“Kila kitu kipo sawa,siku hiyo watu watakaofika watashuhudia burudani bila kikomo,kwani Twanga Pepeta wamejiandaa vyema kuangusha shoo ya nguvu ikiwa ni pamoja na kuwakumbusha mashabiki wake enzi za shika ungo upepete,kisigino na staili zote walizopata kutamba nazo,wakati malkia wa mipasho Bi Hadija Kopa atazipiga nyimbo zake zote za zamani naza sasa” ilieleza taarifa kutoka Mac D Promotions.
Taarifa hiyo imeongeza kuwa baada ya kuwachezesha Twanga na Kopa,baadaye Dj Too Short na Mackay wataendeleza Fleva Night kwa kuangusha mayenu ya nguvu mpaka jua linachomoza.
Kwa upande wake Bonventure Kilosa “Dj Venture” amesema huu utakuwa usiku wa kipekee kwani wapenzi wa muziki watakaofika ukumbini hapo watapata burudani tatu kwa kiingilio kimoja tu cha shilingi elfu kumi ( 10,000 ) na watakuwa na uhakika wa kukata kiu yao ya burudani kwani kama ni muziki wa dansi utapatikana hapo,muziki wa taarabu hapo na kwa upande wa mayenu ya miaka ile ya akina Mayaula Mayoni,Victoria Ellyson,Dindo Yogo na wengineo siku hiyo zitapigwa non stop mpaka asubuhi.
Kutokana na usiku huu kuwa wa kipekee, taarifa ya Mac D Promotions imesema suala la ulinzi wa mali na wateja vitaimarishwa. Mpaka sasa onyesho hili limedhamini na SK Bake Palace,na maongezi na wadhamini wengine yanaendelea ili kulifanya liwe onyesho la aina yake.