INTER MILAN 1 AC MILAN 0, "TIMU YA WACHEZAJI 10 YAIMALIZA AC MILAN"

Inter Milan Argentine forward Diego Milito kulia akishangilia

 Kwenye Dabi ya Jiji la Milan huko Italy, kwenye Mechi ya Serie A, kati ya Timu mbili zinazotumia Uwanja mmoja, San Siro, rasmi kama Stadio San Siro Guiseppe Meazza, ‘wenyeji’ wa Mechi hiyo, AC Milan, walipigwa bao 1-0 na Mahasimu wao wakubwa Inter Milan.

DABI MILANO TAKWIMU

>Mechi: 161

>AC Milan: Ushindi 60

>Inter Milan: Ushindi 52

>Sare: 49

Kipigo hichi cha AC Milan, katika Dabi yao ya 161, kimezidisha presha kwa Meneja wao Massimiliano Allegri ambae anasakamwa kwa mwendo mbovu Msimu huu ambao sasa umewaacha wawe nafasi ya 11 kwenye Ligi baada ya kushinda Mechi mbili tu za Ligi kati ya 7.

Bao pekee la Mechi hiyo lilifungwa na Walter Samuel katika Dakika ya 4 baada ya kuunganisha frikiki kwa kichwa.

Katika Dakika ya 48, Inter Milan walijikuta wakibaki Mtu 10 baada ya Yuto Nagamoto kutolewa kwa Kadi Nyekundu kufuatia kulambwa Kadi za Njano mbili.

Hadi Mechi hiyo inamalizika jumla ya Kadi za Njano 9 zilitolewa, 6 kwa AC Milan na 3 kwa kwa Inter Milan.

Baada ya Mechi 7, Inter Milan wapo nafasi ya 5 wakiwa na Pointi 15 na Ligi hiyo inaongozwa na Mabingwa watetezi Juventus wenye Pointi 19 ingawa wamefungana Pointi na Napoli lakini Mabingwa hao wana ubora wa magoli na ndio maana wapo kileleni.

MATOKEO:

Jumamosi Oktoba 6

Chievo Verona 2 Sampdoria 1

Genoa 1 Palermo 1

Jumapili Oktoba 7

AS Roma 2 Atalanta 0

Torino FC 0 Cagliari 1

Siena 1 Juventus 2

Pescara 0 SS Lazio 3

Catania 2 Parma 0

Fiorentina 1 Bologna 0

AC Milan 0 Inter Milan 1

Napoli 2 Udinese 1