WAKATI Murugenzi wa Ufundi wa Tottenham Franco Baldini yuko Mjini Madrid akiripotiwa yuko huko ili kukamilisha Dili ya Uhamisho wa Mchezaji wao Gareth Bale kwenda Real Madrid, zimevuja habari kuwa Cristiano Ronaldo yu njiani kurudi Manchester United. 
Inasemekana Bale atahamia Real kwa Dau la Pauni Milioni 94, ambalo litakuwa Rekodi ya Dunia, wakati Ronaldo atatua Old Trafford kwa kitita cha Pauni Milioni 77.
Habari hizi zimedai kuwa kutua kwa Gareth Bale Real Madrid kunamfanya Kocha Carlo Ancelotti awe na Mastaa wawili wanaogombea pozisheni sawa na hivyo kwake ni rahisi kuruhusu Cristiano Ronaldo arudi Klabu yake ya zamani Manchester United ambako ndiko alikotoka na kwenda Real Mwaka 2009 kwa Dau la Rekodi ya Dunia la Pauni Milioni 80.
Akiwa Man United, Ronaldo alifunga Bao 118 na kutwaa Ubingwa wa England mara 3, Ubingwa wa Ulaya mara moja na pia Tuzo ya Mchezaji Bora Duniani wakati huko Spain ametwaa Ubingwa wa La Liga mara moja na Copa del Rey mara moja.
Ikiwa Dili hii ya kumchukua Ronaldo itafanikiwa, Mchezaji huyo atakuwa ni ushindi mkubwa kwa Meneja mpya wa Man United, David Moyes, ambae hadi sasa hajafanikiwa kusaini Mchezaji yeyote baada ya kuripotiwa kuwakosa walengwa wake Thiago Alcantara na Cesc Fabregas.
Bale's agent Jonathan Barnett
Pia, Moyes ana nia ya kumchota Mchezaji wa kutoka Klabu yake ya zamani Everton, Kiungo wa Ubelgiji, Marouane Fellaini, ambae tayari walipeleka Ofa ya kumnunua yeye pamoja na mwenzake wa Everton, Fulbeki Leighton Baines, lakini Ofa hizo zikapigwa chini na Everton.
Kwa wale Wadau wa Man United watakumbuka Wiki iliyopita Man United walitangaza kuwa Winga wao Antonio Valencia atavaa Jezi Namba 25 badala ya Namba 7 ambayo ilibakishwa wazi pengine kumngojea mwenye Namba yake Cristiano Ronaldo ambayo alikuwa akiivaa alipokuwa hapo Old Trafford.
No comments:
Post a Comment