DIAMOND AJIPANGA KUSAMBAZA 'NUMBER ONE'

MKALI wa muziki wa kizazi kipya nchini, Naseeb Abdul ‘Diamond Platinum’ anajipanga kuachia kazi yake mpya inayokwenda kwa jina la ‘Number One’ hivi karibuni.

Diamond ni kati ya wasanii ambao wanafanya vizuri katika tasnia ya muziki huu kutokana na ubora wa mashairi ya ntimbo zake kukubalika katika jamii.
Akizungumza jijini Dar es Salaam leo, Diamond alisema kazi hiyo kaitengeneza Afrika Kusini na sasa yupo katika hatua za mwisho za kuisambaza kazi hiyo katika vituo mbalimbali vya redio.
“Naomba wapenzi wa kazi zangu wakae mkao wa kula kwaajili ya kazi hiyo ambayo naamini itakuja kuwashika wengi kutokana na ubora wake,” alisema.
Alisema kazi hiyo ataisambaza pamoja na video yake akiwa na lengo lakuwapa burugani iliyokamilika mashabiki wa kazi zake ambao ndio wanamfanya azidi kung’ara yeye pamoja na familia yake.