CRISTIANO RONALDO, MECHI 204 MABAO 206, HAT-TRICK 21, MSHAHARA WAKE NOMA!

HAT-TRICK ya juzi imemfanya, Cristiano Ronaldo kufikisha jumla ya mabao 206 katika mechi 204 na ameendelea kuthibitisha kwamba rais wa Real Madrid, Florentino Perez hakukosea kumpa mkataba mpya ambao unamfanya kuwa mchezaji anayelipwa zaidi duniani.
Perez aliangalia mabao 203, katika mechi 203, na kuamua kuvunja benki na kumfanya mtoto kutoka Madeira, Cristiano Ronaldo dos Santos Aveiro, kuwa mchezaji anayelipwa zaidi sasa. Ronaldo akiwa ameshasaini mkataba mpya mnono, ameendelea kuthibitisha thamani yake kwa hat trick dhidi ya Galatasaray.

Katika taarifa iliyotolewa na klabu ya Real Madrid, inasema mchezaji huyo amesaini mkataba wa miaka mitano ambapo atakuwa anapokea kiasi cha pauni milioni 21 kwa mwaka, hivyo kumfanya kuchukua kiasi cha pauni 403, 000 kwa wiki, kiasi ambacho kimezidi kwa pauni milioni 1 kutoka kwa kile ambacho alikuwa anachukua mshambuliaji, Samuel Eto’o katika klabu ya Anzhi Makhachkala.
Mchezo mzima ulichezwa na wakala wake, Jorde Mendes, ambaye awali alikuwa anafanya mchezo wa kusema mchezaji huyo anatarajia kurudi katika klabu yake ya zamani ya Manchester United, tena akawa amepanga na mshahara kwamba klabu hiyo ipo tayari kulipa kiasi cha pauni 300,000 kwa wiki.

Wachambuzi wengi wa soka hapo awali waliamini ujio wa Gareth Bale katika klabu hiyo, ungeweza kumuondoa mchezaji huyo na kurudi katika klabu ambayo kila siku amekuwa akisema kwamba anatamani siku moja kurudi kucheza huko, kwani anaangalia kama nyumbani kwake.

Lakini akili ya Perez ilikuwa kwenye si tu uchezaji, aliangalia jinsi watu wa fedha wanavyomuangalia Ronaldo, kwa ripoti za hivi karibuni, gharama za mchezaji huyo katika takwimu za kifedha, zinaonyesha kwamba yamepanda na kufikia uero milioni 520.

Huku mchezaji huyo inaonyesha ana mashabiki milioni 21.3 katika mtandao wa Twitter, mashabiki milioni 60.4 katika mtandao wa facebook na inasemekana amemzidi muajiri wake kwa asilimia 60, huku klabu hiyo ikiwa imeuza zaidi ya jezi milioni 1 za mchezaji huyo katika mwaka wake wa kwanza.
Klabu ya Real Madrid baada ya kuweka rekodi ya usajili wa kiungo wa zamani wa Tottenham, Gareth Bale kwa dau la pauni milioni 86, ambalo liliweka rekodi ya manunuzi duniani, baada ya kuvunja lile la Cristiano Ronaldo lililolipwa mwaka 2009 kwa klabu ya Manchester United.

Bale alipowasili katika klabu hiyo, alikuwa anakula kiasi cha paundi 160,000 sawa na Ronaldo, hiyo ilitosha kuwafanya wachambuzi kuhisi kuwa huo ndiyo mwisho wa mchezaji huyo kuitumikia klabu hiyo hasa baada ya mkataba wake kubakiwa na miaka miwili.

Kuonyesha kwamba ameridhika na amefurahia kwa mchezaji huyo kuongeza mkataba, rais wa klabu hiyo ameliambia gazeti la Marca kwamba, ubora, uzuri na umuhimu wa Ronaldo hauwezi kuonekana tu kwa pasi 50 alizopiga, mabao 203 aliyofunga, mechi 203 alizocheza, bali wapi aliitoa klabu hiyo na mpaka hapa alipoifikisha.

Wakati mshambuliaji wa Barcelona, Mcameroon Samuel Eto’o anaondoka katika klabu ya Barcelona, watu wengi walisema ilikuwa mbinu ya kumfukuza mchezaji huyo kwani Wahispania hawakuwa tayari kuona rekodi za wachezaji wao wa zamani zinavunjwa na wageni, lakini naona sasa imeshindikana kwa kuzuia kitendo hicho kufanyika kwa Lionel Messi na Cristiano Ronaldo, kwani wachezaji hao kila mmoja kwa wakati wake wamevunja rekodi kibao.
Ronaldo kwa sasa anakaribia kuvunja rekodi ya mabao ya kipenzi cha mashabiki wa Real Madrid, Raul Gonzalenz, ambaye wakati wa uchezaji wake, aliweza kufunga mabao 323 na tayari ana mabao 203, aliyoyafunga katika kipindi cha miaka minne huku matarajio yake ni kufunga mabao 200 zaidi kama alivyosema katika taarifa yake wakati anasaini mkataba mpya.

Sioni kama itakuwa tabu au hasira kwa mashabiki wa Real Madrid, kwa mchezaji huyo kuvunja rekodi ya Raul, kwani pamoja na kwamba kuna wakati walikuwa wakimzomea uwanjani, wanatambua fika kwamba mchezaji huyo ndiye tegemeo lao kwa sasa, wanajua fika kwamba kwa kuwa majirani na wapinzani wao Barcelona wana Lionel Messi, basi wao wana Cristiano Ronaldo na sasa wanatarajia kuona Bale akifunika sifa za Neymar.

Ninachokiona kwa sasa, Perez amefanya kama kulipa fadhila kwa faida ambazo Ronaldo amekuwa akiingizia klabu hiyo, pia kuhakikisha kwamba anashinda tena katika uchaguzi wa urais kwa awamu ijayo, kwani wachezaji wengine ambao aliwanadi katika kampeni zake kama Ricardo Kaka na Karim Benzema wameshindwa kumfanya aonekane alikuwa sahihi sana kuwasajili.

Kuonyesha nini matarajio yake kwa Ronaldo na kuwashawishi mashabiki wa Real Madrid, rais huyo ameweka bayana kwamba, Ronaldo ni muhimu kuliko mchezaji yeyote katika klabu hiyo na kuongeza kwake mkataba kunamaanisha kwamba, makombe yanakuja katika klabu hiyo.

Wakati naisikia taarifa hii, nilisema ingekuwa hapa kwetu, basi baada ya mechi kadhaa tungesikia wachezaji wana mgomo baridi, kisa tu, kuna mchezaji kaambiwa muhimu kuliko yeyote, lakini wenzetu wana heshima na wanajua nani kamzidi na nini kinafanyika wakiwa uwanjani, ndiyo maana haikuwa kazi kubwa kwa Bale kusema pamoja na kuja katika klabu hiyo, akiweka rekodi ya manunuzi na watu wengi wakiwa na matarajio makubwa kutoka kwake, lakini bado anamchukulia Cristiano Ronaldo kama bosi kwake na kwa klabu hiyo.
Kitu kingine ambacho, Perez amekiangalia ni idadi kubwa ya mashabiki ambao watakuwa wakizidi kufurika uwanjani kumuangalia Ronaldo, kama alivyofanya miaka minne iliyopita pale aliposema: “Uwanja umejaa na hakuna mechi inayochezwa ni uwepo wa Cristiano Ronaldo,” na bado anamuangalia mchezaji huyo kama mtu muhimu katika mapato zaidi kwa klabu hiyo.

Najua kitendo cha mchezaji huyo kusaini mkataba mpya, kumezima ndoto za mashabiki wa Manchester United, ambao ndoto yao kubwa ilikuwa kuja kumuona mchezaji huyo akirejea katika klabu yao siku moja, lakini utajiri ambao ataupata Ronaldo, utakuwa ukiisaidia familia yake na kizazi chake kwa maisha, lakini pia rekodi yake ambayo anataka kuiweka katika klabu ya Real Madrid ikifanikiwa, itadumu daima, kwani bila ubishi, sioni kama kuna mtu atakuja na kuwa na uwezo wa kufunga mabao mengi kama wanavyofanya Messi na Ronaldo.

BAADHI YA HAT-TRICK KATI YA RONALDO NA MESSI.

Ronaldo hat-tricks
League - 05 May 2010
Mallorca 1 Real Madrid 4 (3)
League - 23 Oct 2010
Real Madrid 6 Racing 1 (4)
League - 20 Nov 2010
Real Madrid 5 Ath Bilbao 1 (3)
Cup - 22 Dec 2010
Real Madrid 8 Levante 0 (3)
League - 09 Jan 2011
Real Madrid 4 Villarreal 2 (3)
League - 03 Mar 2011
Real Madrid 7 Malaga 0 (3)
League - 07 May 2011
Seville 2 Real Madrid 6 (4)
League - 10 May 2011
Real Madrid 4 Getafe 0 (3)
League - 28 Aug 2011
Zaragoza 0 Real Madrid 6 (3)
League - 24 Sep 2011
Real Madrid 6 R. Vallecano 2 (3)
League - 22 Oct 2011
Malaga 0 Real Madrid 4 (3)
League - 06 Nov 2011
Real Madrid 7 Osasuna 1 (3)
League - 17 Dec 2011
Seville 2 Real Madrid 6 (3)
League - 12 Feb 2012
Real Madrid 4 Levante 2 (3)
League - 11 Apr 2012
Atl Madrid 1 Real Madrid 4 (3)
League - 30 Sep 2012
Real Madrid 5 Deportivo 1 (3)
Champions League - 03 Oct 2012
Ajax 1 Real Madrid 4 (3)
Cup - 09 Jan 2013
Real Madrid 4 Celta de Vigo 0 (3)
League - 27 Jan 2013
Real Madrid 4 Getafe 0 (3)
League - 09 Feb 2013
Real Madrid 4 Seville 1 (3)
Champions League - 17 Sep2013
Galatasaray 1 Real Madrid 6 (3)

 ******************************************
Messi hat-tricks
League - 10 Mar 2007
Barcelona 3 Real Madrid 3 (3)
Cup - 06 Jan 2009
Atletico Madrid 1 Barcelona 3 (3)
League - 10 Mar 2010
Tenerife 0 Barcelona 5 (3)
League - 14 Mar 2010
Barcelona 3 Valencia 0 (3)

League - 21 Mar 2010
Real Zaragoza 2 Barcelona 4 (3)
Champions League - 06 Apr 2010
Barcelona 4 Arsenal 1 (4)
Super Cup - 21 Aug 2010
Barcelona 4 Sevilla 0 (3)
League - 20 Nov 2010
Almería 0 Barcelona 8 (3)
Cup - 12 Jan 2011
Barcelona 5 Real Betis 0 (3)
League - 05 Feb 2011
Barcelona 3 Atlético Madrid 0 (3)
League - 17 Sep 2011
Barcelona 8 Osasuna 0 (3)
League - 24 Sep 2011
Barcelona 5 Atletico Madrid 0 (3)
League - 29 Oct 2011
Barcelona 5 Mallorca 0 (3)
Champions League - 01 Nov 2011
Viktoria Plzen 0 Barcelona 4 (3)
League - 22 Jan 2012
Malaga 1 Barcelona 4 (3)
League - 19 Feb 2012
Barcelona 5 Valencia 1 (4)
Champions League - 07 Mar 2012
Barcelona 7 Bayer Leverkusen 1 (5)
League - 20 Mar 2012
Barcelona 5 Granada 3 (3)
League - 02 May 2012
Barcelona 4 Malaga 1 (3)
League - 05 May 2012
Barcelona 4 Espanyol 0 (4)
League - 20 Oct 2012
Deportivo 4 Barcelona 5 (3)
League - 27 Jan 2013
Barcelona 5 Osasuna 1 (4)