VODACOM PREMIER LEAGUE: HAPATOSHI LEO HII NI KAGERA SUGAR vs JKT OLJORO, KAITABA STADIUM!

Wachezaji wa Kagera Sugar wakifanya mazoezi kwenye uwanja wao wa nyumbani Kaitaba, tayari kuwakabili JKT Oljoro kutoka Arusha leo hii.
LIGI KUU YAINGIA RAUNDI YA NNE
Michuano ya Ligi Kuu ya Vodacom (VPL) kuwania ubingwa wa Tanzania Bara inaingia raundi ya nne leo (Septemba 18 mwaka huu) kwa mechi saba katika viwanja saba tofauti. Vinara wa ligi hiyo, JKT Ruvu wanaonalewa na Kocha Mbwana Makata watakuwa ugenini Uwanja wa Mabatini ulioko Mlandizi mkoani Pwani dhidi ya Ruvu Shooting ya Charles Boniface Mkwasa. Mechi hiyo inatarajiwa kuwa kivutio kikubwa kwa washabiki mkoani Pwani kutokana na aina ya soka inayochezwa na timu hizo. Baada ya sare dhidi ya Mbeya City wikiendi iliyopita, Yanga inaendelea kubaki Uwanja wa Kumbukumbu ya Sokoine jijini Mbeya ambapo itacheza na Tanzania Prisons katika mechi itakayochezeshwa na mwamuzi Simon Mbelwa kutoka Pwani. Nayo Simba itaumana na Mgambo Shooting Stars ya Tanga katika mechi itakayopigwa Uwanja wa Taifa, Dar es Salaam kwa viingilio vya sh. 5,000, sh. 8,000, sh. 15,000 na sh. 20,000. Mechi hiyo itakuwa chini ya Kamishna David Lugenge kutoka Iringa. Uwanja wa Kaitaba mjini Bukoba utakuwa mwenyeji wa mechi kati ya Oljoro JKT kutoka Arusha na wenyeji Kagera Sugar wakati Azam na Ashanti United zitakwaruzana kwenye uga wa Azam Complex ulioko Chamazi jijini Dar es Salaam. Mwamuzi Jacob Adongo kutoka Mara ndiye atakayechezesha mechi kati ya Coastal Union na Rhino Rangers itakayofanyika Uwanja wa Mkwakwani jijini Tanga. Mtibwa Sugar inarejea uwanja wake wa Manungu ulioko Turiani mkoani Morogoro ambapo inaikaribisha Mbeya City ya Kocha Juma Mwambusi. Wakati huo huo, Ligi Daraja la Kwanza (FDL) nayo inaendelea leo (Septemba 18 mwaka huu) kwa mechi moja ambapo Lipuli ya Iringa ambayo wikiendi iliyopita ilicheza Mkamba mkoani Morogoro inapita mjini Morogoro kuikabili Polisi Morogoro kwenye Uwanja wa Jamhuri.
Viongozi wasaidizi wa Timu ya Kagera Sugar wakiwajibika kwenye mazoezi na vijana wao

Kazi ipo leo hii Kaitaba Kagera Sugar wakisaka pointi muhimu baada ya kutoka sare jumamosi iliyopita na timu ya AZAM FC kutoka Jijini Dar es salaam.

Mtu kati hapa!!!

Mtanange wa leo ni muhimu sana kwetu  inabidi tushinde!
Wachezaji wa Kagera Sugar wakijifua kwenye uwanja wa Kaitaba hivi karibuni.
Mechi ya leo ni ya pili mfululizo kwenye uwanja wetu hivyo yatubidi tushinde baada ya sare na wazee wa Azam Jumamosi iliyopita!!