Leo kwenye Mechi ya Kimataifa ya Kirafiki iliyochezwa huko Stadium of Singapore Nchini Singapore, Neymar ameifungia Nchi yake Brazil Bao zote walipoitwanga Japan 4-0. Bao hizo zimemfanya Neymar afikishe Bao 40 katika Mechi 58 alizochezea Brazil.
Hadi Mapumziko Brazil walikuwa mbele kwa Bao 1-0 kwa Bao la Dakika ya 18 la Neymar Da Silva anaechezea Klabu ya Barcelona huko Spain. 
Neymar akifanya mambo yake..
Kipindi cha Pili Neymar aliongeza Bao 3 nyingine katika Dakika za 48, 77 na 81. 
Hii ni Mechi ya Pili ya Kirafiki kwa Brazil huko Bara la Asia baada ya Jumamosi kuichapa Argentina Bao 2-0 huko Beijing, China. Kocha mpya wa Brazil, Dunga, sasa amepata ushindi wake wa 4 mfululizo katika Mechi zake 4 za kwana.
VIKOSI:
BRAZIL (4-2-3-1): Jefferson; Danilo, Miranda, Gil, Filipe; Luiz Gustavo, Elias; Willian, Oscar, Neymar; Diego Tardelli.
Akiba: Rafael, Marcelo Grohe, Mario Fernandes, Juan, Dodo, Romulo, Souza, Everton Ribeiro, Kaka, Coutinho, Robinho.
JAPAN (4–3-3): Kawashima; Ota, Shiotani, Morishige, Sakai; Morioka, Taguchi, Shibasaki; Okazaki, Kobayashi, Tanaka.
Akiba: Nishikawa, Gonda, Mizumoto, Nagatomo, Nishi, Suzuki, Hosogai, Honda, Havenaar, Kakitani, Muto.
REFA: A. A'Qashah [Singapore]
No comments:
Post a Comment