EUROPA LIGI: FAINALI NI ATHLETIC BILBAO VS ATLETICO MADRID

Fernando Llorente akishangilia baada ya kutupia mpira nyavuni dakika za mwishoni

MATOKEO:

NUSU FAINALI==Marudiano

Alhamisi Aprili 26

[Jumla ya mabao Mechi mbili kwenye mabano]

Valencia 0 Atletico Madrid 1 [2-5]

Athletic Bilbao 3 Sporting Lisbon 1 [4-3]

Sasa ndoto ya Spain kupata Klabu mbili zao kucheza Fainali ya Ulaya imetimia baada ya kuzimwa pale Vigogo wao Real Madrid na Barcelona kutupwa nje ya UEFA CHAMPIONZ LIGI kufuatia Athletic Bilbao na Atletico Madrid kufuzu kuingia Fainali ya EUROPA LIGI.

 

Atletico Madrid, wakicheza na wenzao wa Spain Valencia huku wakiwa na ushindi wa bao 4-2 wa Mechi ya kwanza, walishinda tena bao 1-0 ugenini kwa bao la Adrian Lopez Alvarez la Dakika ya 60.

 

Athletic Bilbao ndio walikuwa na kibarua kigumu ingawa walikuwa wakicheza nyumbani kwani walifungwa Mechi ya kwanza bao 2-1 na Sporting Lisbon.

Ingawa Athletic Bilbao walimudu kuongoza Mechi hii kwa bao 2-1 lakini walikuwa wakielekea Dakika 30 za nyongeza na ndipo Fowadi wao hatari, Fernando Llorente, alipopachika bao la 3 katika Dakika ya 88 na kuwapa ushindi wa bao 3-1 na hivyo kupita kwa jumla ya mabao 4-3.

FAINALI

Mei 9

National Arena Bucharest, Romania

Atletico Madrid v Athletic Bilbao