EURO 2012: RONALDO AIUA UHOLANZI, GERMANY YAPETA NAYO "KUCHEZA ROBO FAINALI"!

MSHAMBULIAJI wa Ureno, Cristiano Ronaldo jana alifufuka na kuipandisha ndege Uholanzi kurejea kwao baada ya kuiongoza timu yake ya taifa kushinda kwa mabao 2-1 katika mechi ya mwsiho ya kundi B kwenye michuano ya Euro 2012.
Kutokana na matokeo hayo, Uholanzi ambayo ilikuwa inapewa nafasi kubwa ya kutwaa ubingwa wa michuano hiyo imeondolewa ikiwa haina pointi hata moja.
Ronaldo ambaye hakufanikiwa kuonyesha kiwango kizuri kwenye michezo miwili ya awali dhidi ya Denmark na Ujerumani, alianza kwa kuisawazishia Ureno katika dakika ya 27, akifuta bao la dakika ya 11 lililofungwa na Rafael Van De Vaart.
Mshambuliaji huyo wa Real Madrid alipambana zaidi na kufunga bao safi katika dakika ya 74 ya mchezo baada ya kuwapiga chenga mabeki wawili wa Uholanzi.
Katika mchezo mwingine, Ujerumani ilifanikiwa kuiangamiza Denmark na kumaliza kundi hilo bila kufungwa, shukrani kwa mabao yaliyofungwa na Lukas Podolski katika dakika ya 19 na Lars Bender. 
Denmark ilijipatia bao lake kupitia kwa Michael Krohn-Dehli. Ujerumani na Ureno ndiyo zimefanikiwa kuingia kwenye hatua ya robo fainali ya michuano hiyo mikubwa zaidi kwa Bara la Ulaya.

 

DENMARK, HOLLAND NJE!! 

 ROBO FAINALI: Germany v Greece & Portugal v Czech Republic

Kwenye Mechi za mwisho za Kundi B la Fainali za EURO 2012, Portugal walitoka nyuma kwa bao 1-0 walipotanguliwa na Netherlands kwa bao la Dakika ya 11 la Rafael van der Vaart na kushinda bao 2-1 huku bao zote zikifungwa na Cristiano Ronaldo katika Dakika za 28 na 74.

Ushindi huo umewafanya Portugal waingie Robo Fainali wakiwa nafasi ya pili, nyuma ya Germany, na kwenye Robo Fainali watacheza na Czech Republic, waliotwaa nafasi ya kwanza ya Kundi A, Mechi ambayo itachezwa Alhamisi Juni 21.

 

Nao Germany wamefanikiwa kushinda Mechi ya 3 mfululizo kwenye Kundi B walipoifunga Denmark bao 2-1 kwa bao za Lukas Podolski, Dakika ya 19, na Lars Bender, Dakika ya 80.

Bao la Denmark lilifungwa na Michael Krohn-Dehl katika Dakika ya 24.

Germany watacheza na Greece, waliomaliza nafasi ya pili toka Kundi A, kwenye Robo Fainali itakayochezwa hapo Ijumaa Juni 22.

Germany wakishangilia goli la Bender

MSIMAMO KUNDI B

NCHI	P	W	D	L	GD	PTS
GERMANY	3	3	0	0	3	9
PORTUGAL	3	2	0	1	1	6
DENMARK	3	1	0	2	1	3
NETHERLANDS	3	0	0	3	-3	0

RATIBA:

Jumatatu, Juni 18

KUNDI C

Saa 3 Dak 45 Usiku

Gdansk, Poland

Croatia v Spain

Poznan, Poland

Italy v Republic of Ireland

-------------------------

Jumanne, Juni 19

KUNDI D

Saa 3 Dak 45 Usiku

Donetsk, Ukraine

England v Ukraine

France v Sweden

ROBO FAINALI

[Mechi zote Saa 3 Dak 45 Usiku]

Alhamisi Juni 21

RF1: Warsaw, Poland: Czech Republic v Portugal

Ijumaa Juni 22

RF2: Gdansk, Poland: Germany v Greece

Jumamosi Juni 23

RF3: Donetsk, Ukraine: Mshindi C v Mshindi wa Pili D

Jumapili Juni 24

RF4: Kiev, Ukraine: Mshindi D v Mshindi wa Pili C

NUSU FAINALI

[Mechi zote Saa 3 Dak 45 Usiku]

Jumatano Juni 27

NF1: Donetsk, Ukraine: RF1 v RF3

Alhamisi Juni 28

NF2: Warsaw, Poland: RF2 v RF4

FAINALI

Jumapili Julai 1

[Saa 3 Dak 45 Usiku]

Kiev, Ukraine: NF1 v NF2