AC Milan ya Italia kwa mara ya kumi na moja katika muda wa miaka kumi na mbili iliyopita imefuzu kushiriki Kombe la Klabu Bingwa baranai Ulaya. Milan imeilaza PSV Eindhoven kutoka Uholanzi kwa mabao 3-0.
Baada ya kutoka sare ya 1-1 na Uholanzi katika mechi ya awamu ya kwanza, Kevin Prince alifunga mabao mawili yaliyoiweka timu yake mbele, naye Mario Balotelli akaongezea la tatu na hivyo kuihakikishia mabingwa wa zamani wa kombe hilo nafasi katika raundi ijayo kwa jumla ya mgoli 4-1.
Katika matokeo mengine iliyochezwa siku ya jumatano, Zenit St Petersburg iliikwaruza Pacos Ferreira kwa mabao manne kwa mawili na kufuzu kwa hatua ijayo kwa jumla magoli manane kwa matatu.
Kwingineko, mabingwa wa Jamhuri ya Czech, Viktoria Plzen walishinda wenyeji wao Slovenia Maribor kwa bao moja kwa bila na kujikatia tikiti ya raundi ijayo ya makundi ya kinyang'anyiro cha kuwania Kombe la Klabu Bingwa Barani Ulaya.
Viktoria Plzen imesonga mbele na jumla la magoli 4-1.
Klabu hizo zitajiunga na Arsenal Schalke, Steaua Bucharest na Austria Vienna ambazo zote zilishinda mechi zao siku ya Jumanne katika hatua ya makundi.
**Timu hizo 10 zilizofuzu Raundi ya Mchujo
zinaunganishwa na Timu 22 zilizoingizwa moja kwa moja na kufanya Idadi
ya Timu 32 ambazo leo kwenye Droo zitapangwa Makundi 8 ya Timu 4 kila
moja.
Timu 10 zilizofungwa Raundi hii ya
Mchujo ya UEFA CHAMPIONZ LIGI zinaingizwa kwenye Mashindano ya EUROPA
LIGI ambayo nayo yatafanyiwa Droo ya kupanga Makundi yake.
KLABU 10 ZILIZOFUZU TOKA RAUNDI YA MCHUJO
-Arsenal
-Schalke
-Steau Bucharest
-FC Basel
-Austria Wiem
-Zenit St. Petersburg
-Celtic – Scotland
-AC Milan
-Real Sociedad
-NK Maribor
No comments:
Post a Comment