MSHAMBULIAJI nyota wa klabu ya Real Madrid, Cristiano Ronaldo anatarajiwa kusaini mkataba mpya na klabu hiyo kabla ya mwisho wa mwezi huu. Baada ya kufanikiwa kufanya usajili uliovunja rekodi wa Gareth Bale mapema mwezi huu, Madrid sasa wamehamishia nguvu zao katika kuhakikisha wanamuongeza mkataba mrefu nyota huyo wa kimataifa wa Ureno. Kuna tetesi kuwa Madrid wamejipanga kumpa nyongeza ya mshahara Ronaldo ambao utafikia euro milioni 15 kwa mwaka katika mkataba wa miaka mitano ambao utamalizika 2018. Kama mkataba huo ukifanikiwa Ronaldo atakuwa mchezaji anayelipwa zaidi duniani akimzidi Bale ambaye anaweka kibindoni euro milioni 10 kwa mwaka baada ya kodi, pamoja na nyota wa Barcelona Lionel Messi ambaye analipwa euro milioni 13 kwa mwaka.
Mkataba wa sasa wa Ronaldo unamalizika mwaka 2015, na Madrid wana uhakika nyota huyo atasaini mkataba mwingine kabla ya mwishoni mwa mwezi huu. 
No comments:
Post a Comment