SIRI YA YANGA KUVUNJA MWIKO KWA KAGERA SUGAR YABAINIKA, VINYOZI NI MRISHO NGASSA NA HAMIS KIIZA WAKIZAMISHA BAO 2 KWA 1. ANGALIA ILIVYOKUWA MPAKA YANGA WAKAIBUKA BINGWA!!!

Viongozi wa Timu ya Yanga kushoto ni Kocha mkuu wakiteta jambo na kupeana mbinu ya kuwakabili vilivyo wenyeji kagera Sugar na hatimaye kuondoa Nuksi iliyodumu muda mrefu ya kutowafungia kwao.

Wadau wa Yanga wakiwapongeza Yanga baada ya kutua Uwanjani Kaitaba

Waandishi wa Habari kutoka sehemu mbalimbali walikuwepo akwenye Uwanja wa kaitaba kuchukua Habari.

Wachezaji wa yanga baada ya kufika Kaitaba muda mfupi kupita wakaanza kupasha

Waamuzi nao usiseme...uwanja ulikuwa kama wao..

Padri kulia wa Ntungamo Seminary akiongea na Kiongozi wa Yanga uwanjani Kaitaba Mjini Bukoba Muda mfupi kabla ya mtanange kuanza.
Bukobasports.com ilipata muda wa kuteta nae kiongozi huyo wa Dini, Aliweza kuweka mambo wazi na mchana kweupe kwa kusema yeye ni mdau na mshabiki mkubwa wa Yanga na kudai kuwa anatarajia kuwaona kwa zamu hii Yanga wakipata pointi tatu muhimu hapa Kaitaba.

Wadau mbalimbali kwenye Jukwaa kuu wakisubiri kwa hamu kubwa matanange huo

Yanga Daima...

Kulia ni Bw. Haruna mpenzi sana wa Yanga nae alikuwepo eneo tayari kutazama mtanange

Muda wa timu kuingia uwanjani ulifika

Lineup hiyooo,..........

Yanga Ikishinda ni zawadi tu hapa..

Timu zikisikiliza neno kutoka kwa Viongozi

Kikosi cha Yanga kilichoanza
Young Africans: 1.Barthez, 2.Twite, 3.Luhende, 4.Cannavaro, 5.Yondani, 6.Chuji, 7.Niyonzima/Msuva, 8.Domayo, 9.Kavumbagu, 10.Ngassa, 11.Kiiza/Javu

Mpaka dakika 45 za kipindi cha kwanza zinamalizika, wenyeji Kagera Sugar 0 - 1 Young Africans.

Kikosi cha Young Africans kiliingia uwanjani kwa lengo la kusaka ushindi kwani ilikuwa na kumbukumbu ya kupoteza michezo miwili mfululizo ya Ligi Kuu katika uwanja huu wa Kaitaba.

Mrisho Ngassa alikuwa wa kwanza kuipatia timu yake ya Yanga bao la kwanza dakika ya pili ya mchezo kwa kichwa akimalizia mpira uliorushwa na Mbuyu Twite na kuwapita walinzi na mlinda mlango wa Kagera Sugar na kumkuta mfungaji aliyeukwamisha wavuni bila ajizi.

Yanga iliendelea kulishambulia lango la Kagera Sugar kupitia kwa washambuliaji wake Didider Kavumbagu, Mrisho Ngassa na Hamis Kiiza na dakika ya 25 nusura Niyonzima aipatie Yanga bao lakini shuti lake liliokoloewa na mlinda mlango Aganthony Antony na kuwa kona ambayo haikuzaa matunda.

Kipindi cha pili kilianza kwa kasi na dakika ya 49 ya mchezo kiungo Boniface Wambura aliipatia Kagera Sugar bao la kusawazisha baada ya mpira uliopigwa na Themi Felix kuokolewa na walinzi wa Yanga na kumkuta mfungaji.

Mara baada ya bao hilo Yanga iliendelea kulishambulia lango la Kagera Sugar kusaka bao la pili na ushindi huku waamuzi wakishindwa kutoa maamuzi mazuri kwani mipira yote kipindi cha pili washambuliaji wa Yanga walionekana wameotea hata kama ni katikati ya uwanja.

Dakika ya 57 Hamis Kiiza aliipatia Young Africans bao la pili na la ushindi baada ya mpira uliopigwa na Mbuyu Twite kuwapita walinzi wa Kagera na kumkuta Kiiza aliyewazidi wepesi na kuachia shuti kali lililotinga moja kwa moja wavuni.Kocha wa Kagera Sugar Mayanja hakuwa na hamu ..

Yanga iliendelea kusaka bao la tatu lakini walinzi wa Kagera Sugar waliokoa mipira ya hatari na kufanya ubao wa matokeo uendelee kusomeka hivyo hivyo.
Mpaka dakika 90 za mchezo zinamalizika, wenyeji Kagera Sugar 1 - 2 Young Africans

Kikosi cha Young Africans mara baada ya mchezo wa leo, kesho kitaondoka mjinii Bukoba kurejea jijini Dar es salaam tayari kwa kuanza maandalizi ya mchezo unaofuata dhidi ya Simba SC tarehe 20-10.2013 uwanja wa Taifa.

Young Africans imeendeleza wimbi la ushindi na kuvunjwa mwiko katika michezo ya Ligi Kuu ya Vodacom nchini baada ya kuichpaa timu ya Kagera Sugar mabao 2-1 mchezo uliofanyika dimba la Uwanja wa Kaitaba mjini Bukoba.

Nyomi ...pamoja na dau kupandishwa kuwa 10,000 na 5,000 watu waliingia kwa wingi Kaitaba!!