TIM SHERWOOD ATIMULIWA UMENEJA TOTTENHAM, NI BAADA YA MIEZI 6 TUU!!

Tottenham imemtimua Meneja wao Tim Sherwood licha ya Klabu hiyo kumaliza Nafasi ya 6 kwenye Ligi Kuu England na kupata nafasi kucheza EUROPA LIGI Msimu ujao.
Sherwood, Miaka 45, alitwaa wadhifa wa Umeneja Mwezi Desemba Mwaka Jana baada kufukuzwa kazi Andre Villas-Boas na yeye kusaini Mkataba hadi mwishoni mwa Msimu wa 2014/15.Wakitangaza uamuzi huu, Mwenyekiti wa Tottenham, Daniel Levy, amenukuliwa akisema: “Tulikubaliana Mkataba wa Miezi 18 na kilikuwapo Kipingele cha kuuvunja mwishoni mwa Msimu huu na sisi tumekitumia.” 
Inaaminika hivi sasa Tottenham inao walengwa wawili, mmoja akiwa Meneja wa Southampton, Mauricio Pochettino, na Bosi wa Ajax, Frank de Boer.