KOMBE KONGWE kabisa Duniani, FA CUP ya England, Jumamosi hii litakuwa na Mechi zake za Raundi ya 5 ambapo Washindi wake hutinga Raundi ya 6 ambayo ndio Robo Fainali.
Mechi hizi za FA CUP zimefanya Ligi Kuu England isiwe na Mechi Wikiendi hii.
Ukiwaondoa Mabingwa Watetezi wa Kombe hilo, Arsenal, Vigogo wengine waliobakia ambao wako Ligi Kuu England, ni Manchester United, ambao wanashikilia Rekodi ya kutwaa mara nyingi FA CUP, mara 11, kama Arsenal, na wengine ni Liverpool.
Timu nyingine toka Ligi Kuu England ni West Bromwich Albion na West Ham ambazo zitapambana wenyewe, pia wapo Crystal Palace watakaokuwa kwao Selhurst Park kucheza na Liverpool huku Aston Villa ikiivaa Leicester City. 
Wengine ni Sunderland ambao watacheza Ugenini na Bradford City. Mabingwa Watetezi Arsenal wao watakuwa Nyumbani Emirates kucheza na Middlesbrough iliyowabwaga Man City Raundi iliyopita.
Raundi ya 5 itakamilika Jumatatu Usiku kwa Mechi moja ambapo Man United watakuwa Ugenini huko Deepdale kucheza na Preston North End, Timu ya Daraja la chini, Ligi 1. 
RAUNDI YA 5: Jumamosi Februari 14
15:45 West Bromwich Albion v West Ham
18:00 Blackburn Rovers v Stoke City
18:00 Derby County v Reading
20:30 Crystal Palace v Liverpool
Jumapili Februari 15
15:30 Aston Villa v Leicester City
17:30 Bradford City v Sunderland
19:00 Arsenal v Middlesbrough
Jumatatu Februari 16
22:45 Preston North End v Manchester United
No comments:
Post a Comment