KIPA MATATA SERGIO ROMEO ATUA RASMI MANCHESTER UNITED!

Kipa wa Kimataifa wa Argentina Sergio Romero amehamia Manchester United na kusaini Mkataba wa Miaka Mitatu wenye nyongeza ya Mwaka mmoja zaidi.
Romero, mwenye Miaka 28, alikuwa akiidakia Sampdoria ya Italy na aling'ara kwenye Fainali za Kombe la Dunia Mwaka Jana huko Brazil akiiwezesha Argentina kufika Fainali na kufungwa 1-0 na Germany.
Kipa huyo aliwahi kuwa Mchezaji chini ya Meneja wa Man United Louis van Gaal walipokuwa wote Klabu ya AZ Alkmaar ya Holland kati ya Mwaka 2007 na 2009.
Romero anakuwa Mchezaji wa 5 mpya kusainiwa na Man United katika kipindi hiki na wengine no Memphis Depay, Morgan Schneiderlin, Matteo Darmian na Bastian Schweinsteiger.Kutua kwa Romero huko Old Trafford sasa kunafungua njia kwa Kipa wa zamani wa Barcelona Victor Valdes kuondoka baada ya kufarakana na Van Gaal kiasi cha kutemwa kuandamana na Timu kwenye Ziarani Marekani.
Pia ujio wa Romero unatarajiwa kuchochea zile habari za Kipa Nambari Wani wa Man United David De Gea kuhamia Real Madrid.