UHAMISHO: DIDIER DROGBA AJIUNGA NA KLABU YA CANADA MONTREAL IMPACT!

Straika wa zamani wa Chelsea Didier Drogba amejiunga na Klabu ya Canada, Montreal Impact, inayocheza Major League Soccer, MLS, huko Marekani ya Kaskazini.
Drogba, Raia wa Ivory Coast mwenye Miaka 37 ambae pia ndie Mfungaji Bora kwa Nchi yake akiwa na Bao 65 kwa Mechi 105, aliondoka Chelsea mwishoni mwa Msimu uliopita baada ya kuichezea Mechi 381 kwa vipindi vyake viwili na Klabu hiyo na kutwaa Ubingwa wa England mara 4.Rais wa Motreal Impact, Joey Saputo, amesema kumsaini Drogba ni Siku kubwa katika Historia ya Klabu yao.