JOSE MOURINHO ASEMA TIMU YAKE HAIKUWA NA BAHATI KUIFUNGA ARSENAL

Kwa mujibu wa Meneja wa Man United Jose Mourinho Timu yao ndio Timu ambayo haina bahati baada ya Jana Arsenal kusawazisha Dakika ya 89 na kupata Sare ya 1-1.
Mourinho ameeleza: "Sina la kusema kuhusu Wachezaji wangu lakini nawaonea ruhuma kwani hiyo ni kama tumefungwa wakati Arsenal wanaona wameshinda!"
Aliongeza: "Sare hizi na Burnley, Stoke na Arsenal ni kupoteza Pointi 9. Tungepata Pointi 6 tu tuko 4 Bora na karibu ya kileleni! Tunajua hivi sasa sie ndio Timu isiyo na bahati kwenye EPL!"
Man United wameshapambana na Manchester City, Liverpool, Chelsea na Arsenal bila ushindi wakitoka Sare 3 na kufungwa na Chelsea tu.
Hivi sasa wapo Nafasi ya 6 wakiwa Pointi 5 nyuma ya Arsenal ambao wako Nafasi ya 4 na ambao wapo Pointi 2 nyuma ya Vinara Liverpool.