NEWCASTLE YAFURAHIA KURUDI LIGI KUU ENGLAND

NEWCASTLE UNITED Jana ilifanikiwa kurejea EPL, Ligi Kuu England, baada ya Msimu mmoja kwenye Daraja la chini, Championship, walipoifunga Mtu 10 Preston North End 4-1 huko Saint James Park.
Bao za Newcastle, ambao waliongoza 2-1 hadi Haftaimu, zilifungwa na Ayoze Perez, Bao 2, Christian Atsu na Matt Ritchie [Penati baada ya Paul Gallagher kushika Mpira kwenye Mstari wa Goli na kutolewa nje kwa Kadi Nyekundu].

Newcastle, chini ya Meneja Rafael Benitez, wanaungana na Brighton kutinga moja kwa moja EPL na kubakiza Nafasi 1 itayogombewa na Timu zitakazomaliza Nafasi za 3, 4, 5 na 6.
Huku zikibaki Mechi 2, Brighton ndio wanaongoza Championship wakiwa na Pointi 92 wakifuata Newcastle wenye 88.
Nafasi za 3 hadi za 6 zinashikwa na Reading, 79, Sheffield Wednesday, 78, Huddersfield, 78, na Fulham, 76.
Leeds United, ambao wako Nafasi ya 7 wakiwa na Pointi 73, wanaweza pia kuingia Kundi hilo la Mechi za Mchujo.
Kikosi cha Rafael Benitez kimekuwa kikisuasua katika Mechi zao za hivi karibuni kwa kambua Pointi 1 tu katika Mechi 3 zilizopita lakini ushindi wa Jana ulipokewa kwa furaha kubwa na Mashabiki 50,000 waliorundika Saint James Park.