LIGI KUU ENGLAND: ASTON VILLA WAUMIZWA NA BOLTON 1-2 WAPANDA JUU NA MECHI MOJA MKONONI

Katika Mechi pekee ya Ligi Kuu England iliyochezwa jana, Bolton Wanderers, waliokuwa ugenini, walizinduka toka bao 1 nyuma na kuwachapa Aston Villa bao 2-1 Uwanjani Villa Park na kuzidi kujipa matumaini ya kubaki Ligi Kuu.

 

Villa walipata bao lao baada ya Dakika 61 kupitia Stephen Warnock lakini Bolton wakasawizisha kwa penati ya Dakika ya 63 ya Martin Petrov na kupiga bao la pili Dakika moja kupitia David N'Gog.

MSIMAMO Timu za chini:

12 Swansea Mechi 35 Pointi 43 [Tofauti ya Magoli -6]

13 Norwich Mechi 35 Pointi 43 [Tofauti ya Magoli -13]

14 Stoke Mechi 34 Pointi 42

15 Aston Villa Mechi 35 Pointi 36

16 QPR Mechi 35 Pointi 34 [Tofauti ya Magoli -18]

17 Wigan Mechi 35 Pointi 34 [Tofauti ya Magoli -26]

---------------------------------

18 Bolton Mechi 34 Pointi 33

19 Blackburn Mechi 35 Pointi 31

20 Wolves Mechi 35 Pointi 23==IMESHASHUSHWA DARAJA

 

Ushindi huo umewafanya Bolton wapande juu ya Blackburn Rovers na kukamata nafasi ya 18 wakiwa Pointi moja tu nyuma ya Wigan na QPR huku wakiwa na Mechi moja mkononi.

Villa bado wapo kwenye nafasi ya 15 lakini wako kwenye hali tete kwa vile wako Pointi mbili tu mbele ya QPR na Wigan huku wakiwa wamebakisha Mechi 3 Ligi kumalizika.