Di MATTEO SASA MENEJA WA KUDUMU CHELSEA, ASAINI MIAKA MIWILI!

Chelsea hatimaye imemteua Roberto Di Matteo kama meneja wake wa kudumu kwa kutiliana saini mkataba wa miaka miwili.

Di Matteo aliwekwa kama kocha wa mda kufuatia kutimuliwa kwa Andre Villas-Boas mnamo mwezi Machi, na akaweza kuiongoza klabu hio akifanikiwa kuifikisha na kushinda fainali ya Ligi ya Mabingwa wa Ulaya na vilevile kombe la FA la England.
 
Meneja huyo aliyekua kiongozi wa MK Dons na pia West Brom, Di Matteo alipoteza mechi tatu tu kati ya mechi 21 alizosimamia, na kutokana na hali hiyo wachezaji wengi wa klabu waliunga mkono ateuliwe kama meneja wa kudumu hususan baada ya kushinda kombe lililoikwepa klabu hio kwa mda mrefu la Mabingwa wa Ulaya.

MAMENEJA WA CHELSEA TANGU ABRAMOVIC AINUNUE MWAKA 2003.

Claudio Ranieri-Septemba 2000 - Mei 2004

José Mourinho-Juni 2004 - September 2007

Avram Grant-September 2007 - Mei 2008

Luiz Felipe Scolari-Julai 2008 - Februari 2009

Guus Hiddink-Februari 2009 - Mei 2009

Carlo Ancelotti-Juni 2009 - Mei 2011

Andre Villas-Boas-Juni 2011 - Machi 2012

Roberto Di Matteo-Machi 2012 - ??