SUPER MARIO BALOTELLI AANZA KUTEMA CHECHE ZAKE, AIFUNGIA AC MILAN GOLI 2

AC MILAN 2 UDINESE 1
Mario Balotelli alicheza Mechi yake ya kwanza kwa Klabu yake mpya AC Milan tangu ahamie hapo Siku chache zilizopita kutoka Manchester City na kufunga Bao zote mbili baada ya AC Milan kuichapa Udinese Bao 2-1 kwenye Mechi ya Ligi Serie A.
Balotelli, ambaye alihamia AC Milan toka Man City kwa Dau la Pauni Milioni 20, alipangwa kwenye Kikosi cha jana Dakika za mwisho tu baada ya kuumia kwa Giampaolo Pazzini wakati akipasha moto kabla ya Mechi hiyo.

Bao la kwanza la Balotelli lilitokana na krosi ya Stephan El Shaaraway na nusura aongeze la pili lakini Kipa wa Udinese, Daniele Padelli, alipangua.

Mario Balotelli akitupia..

Balotelli akishangilia na wenzake baada ya kufunga penati

Balotelli akizionja nyavu kwa mara ya kwanza AC Milan kwenye dakika ya 25 ya mchezo

Mashabiki wa Milan wakinyoosha mabango kumkubali Balotelli na kumkaribisha klabuni hapo Milan

Danilo akijaribu kumvuta Mario Baloterri

Balotelli akimpongeza Stephan El Shaarawy aliyesababisha pasi la kupatikana goli

Balotelli akiwa ametinga jezi No 45, kama alivyokuwa Manchester City