FURAHA YA USAIN BOLT YA KUICHEZEA UNITED YATIMIA!, SASA KUICHEZEA AGOST 9 OLD TROFFORD!

HATIMAE Mtu mwenye Kasi Duniani, Usain Bolt, atapata nafasi ya kuichezea Timu ya Mabingwa wa England, Manchester United.

Usain Bolt, ambae ni Shabiki mkubwa wa Man United, Siku zote amekuwa akitaka kuichezea Klabu hiyo na mara nyingi alikuwa akimuomba Rafiki yake, Sir Alex Ferguson, Meneja aliestaafu wa Man United, ampe nafasi ya kuvaa Jezi ya Mabingwa haoLakini safari hii, ndoto ya Usain Bolt, Bingwa wa Dunia wa Mbio za Mita 100 na 200, atapata nafasi kuichezea Man United hapo Agosti 9 Uwanjani Old Trafford wakati Man United itakapocheza na Sevilla ya Spain katika Mechi maalum ya kumuenzi Beki Rio Ferdinand kwa Utumishi wake wa muda mrefu na uliotukuka kwa Man United.
Wakati akimuomba Sir Alex Ferguson ili achezee Man United, Usain Bolt, alisema: “Najua nitaleta tofauti kwenye Timu. Nitakuwa Mtu mwenye kasi kupita wote Uwanjani lakini pia naweza kucheza!”
Mwezi uliopita, Ferguson alishamkubalia Bolt kuchezea Kikosi cha Malejendari wa Man United walipocheza na Real Madrid lakini mipango hiyo ilikufa baada ya Ferguson kustaafu.

Inaaminika Bolt atapata nafasi hii kucheza na Sevilla, baada ya Rio Ferdinand kumkingia kifua na Meneja David Moyes kulikubali ombi hilo.

Hivi Juzi, Bolt aliivunja Rekodi ya Michael Johnson ya Sekunde 20.01 kwenye Mbio za Mita 200 iliyodumu Miaka 23 baada ya yeye kutumia Sekunde 19.73 kwenye Mashindano ya Diamond League huko Jijini Paris.Sir Alex Ferguson (kulia) akiwa na defender Rio Ferdinand