MABINGWA wa England, Manchester United, leo wameanza Ziara yao ya huko Barani Asia na pia Mechi ya kwanza chini ya Meneja mpya David Moyes kwa balaa baada ya kufungwa Bao 1-0 huko Bangkok, Thailand na Kombaini ya Singha All Star.
Bao la ushindi kwa Singha All Star XI lilifungwa na Teeratep Winothai Dakika za mwanzo tu za Kipindi cha Pili.
Ingawa Man United walitawala Mechi kwa muda mrefu, umaliziaji mbovu, hasa wa Danny Welbeck, ndio uliowakosesha ushindi.
Vijana Chipukizi, Adnan Januzaj na Wifried Zaha, waling’ara sana na kukosa Bao kadhaa likiwemo shuti safi la Zaha lililompita Kipa na kugonga Posti.
Leo Usiku Man United wanasafiri kwenda Australia ambako Julai 20 watacheza na A-League All Stars ndani ya ANZ, Stadium, Mjini Sydney.
Rafael da Silva akichuana na Nattaporn Phanritleo hii
Ben Amos akiondoa mpira huku Rio Ferdinand akiruka juu mbele yake pamoja na kipa!
Tom Cleverley akiachia shuti kali baada ya kumtoka Mario Djurovski
Anderson akichuana na Thitipan Puangchan
VIKOSI:
Man Utd: Amos; Fabio (Evra 78), Ferdinand, Evans, Buttner (Rafael 33); Cleverley (Jones 62), Carrick, Anderson (Zaha 62) ; Januzaj, Giggs (Lingard 62); Welbeck.
RATIBA
- Julai 13 Singha All Star XI (Rajamangala Stadium, Bangkok - Singha 80th Anniversary Cup) 1-0
- Julai 20 A-League All Stars (ANZ, Stadium, Sydney) SAA 6 NA NUSU MCHANA
- Julai 23 Yokohama F-Marinos (Nissan Stadium, Yokohama) SAA 7 MCHANA
- Julai 26 Cerezo Osaka (Osaka Nagai Stadium, Osaka) SAA 7 MCHANA
- Julai 29 Kitchee (Hong Kong Stadium, Hong Kong) SAA 9 MCHANA
- Agosti 6 AIK Fotboll (Friends Arena, Stockholm) KUJULISHWA
No comments:
Post a Comment