TIM SHERWOOD ATEULIWA KUWA MENEJA MPYA KLABU YA ASTON VILLA

Tim Sherwood ameteuliwa kuwa Meneja mpya wa Aston Villa na kusaini Mkataba hadi mwishoni mwa Msimu wa 2017/18.
Majuzi Jumatano Villa ilimtimua Meneja wao Paul Lambert baada ya kwenda Mechi 10 za Ligi Kuu England bila ushindi na kufunga Bao 2 tu katika Mechi hizo.
Tim Sherwood, mwenye Miaka 46, alifanya kazi yake ya mwisho kama Meneja wa Tottenham alipombadili Andre Villas-Boas Desemba 2013 lakini akatimuliwa mwishoni mwa Msimu uliopita na amekuwa hana kibarua tangu wakati huo.Sherwood anaanza kuiongoza Timu ambayo iko katika hali mbovu baada ya Jumanne iliyopita kuchapwa 2-0 na Hull City na kutupwa eneo la hatari la kushushwa Daraja la Timu 3 za mkiani.
Akiwa kama Mchezaji, Sherwood, ambae aliichezea England mara 3, alijiunga na Tottenham Mwaka 1999 kutoka Blackburn Rovers ambako akiwa kama Nahodha waliweza kutwaa Ubingwa wa Ligi Kuu England Msimu wa 1994/5.
Mwaka 2003 Sherwood aliachana na Tottenham na kuhamia Portsmouth lakini alirejea tena kama mmoja wa Makocha wakati Harry Redknapp alipokuwa Meneja.